Nthanthi 26:21 - Tonga Bible 1986

²¹ Mo ghaliri maka ku fukunyira lamoto ndi nkhuni ku moto viyo ndimu walili munthu wa chiwawa pakuyuska ndeu.

Nthanthi 26:21 Referans Kwoze

Nthanthi 29:22

Munthu wachikwiya wayuska ndeu, ndipo munthu wa chikalalizga wachitiska utimbanizi unandi.

Nthanthi 15:18

Munthu wachikalirizga wayuska ndeu, kweni yo ngwambura kukara ruŵi wazikiska kupindana.

Nthanthi 30:33

Pakuti mukaka wakupukusa uchita maso, kufinya mphunu kutuzga ndopa, ndipo kufinya chikwiya kutuzga ndeu.

Nthanthi 10:12

Kutinkha kuyuska homwa, kweni chanju chivimba vifukwa vyose.

Sumu 120:4

Ndi mivwi yakuthwa ya wankhondo, ndi maka gha moto gha muti wa muŵanga!

1 ŴaKaronga 12:20

Ndipo ŵaYisraele wose ŵanguti ŵavwa kuti Yeroboamu wakuwe, ŵangutuma ndi ŵangumudana kuza ku unganu ndipo ŵangumuserezga ufumu wapaku Yisraele yose. Pengavi nanga njumoza yo wangurondo nyumba yaku Davidi, kweni mtundu waku Yuda pe.

2 Samuele 20:1

Ndipo wengako kweni kuwa munthu zereza yo zina lake lenga Sheba mwanamunthurumi waku Bikri muBenjamini; iyo wangumba mbata wanguti, “Ifwe tilivi chigaŵa mwaku Davidi, ndipo tilivi chihara mu mwana waku Jese; munthu yose ku hema lake, imwe ŵaYisraele!”