Nthanthi 26:2 - Tonga Bible 1986

² Uli ndi kaŵeruŵeru mu mwenera wake, uli ndi kaŵeruŵeru mukuphuluruka kwake, thembo lo ndambula kafukwa kuti likonda cha.

Nthanthi 26:2 Referans Kwoze

Maŵerengedu 23:8

Ndingamutamba uli mweniyo Chiuta walivi kumutemba? Ndingamunyoza uli mweniyo Ambuya alivi kumunyoza?

Sumu 109:28

Ŵanditembe iwo, kweni imwe munditumbike, ŵamawongo ŵangu ŵachitisoni, kweni mteŵeti winu wakondwenge.

Nehemiya 13:2

pakuti ŵengavi kwachikumana ndi ŵana ŵaku Yisraele ndi chiŵande ndi maji, kweni ŵangukumba Balamu kulimbana ndi Yisraele kuŵatemba kweni Chiuta widu wangusanduska thembu lo kuŵa thumbiku.

2 Samuele 16:12

Njani waziŵa, panyake Ambuya andiwonenge mu kusuzgika kwangu, ndikuti Ambuya andiwezgiyenge umampha mu malo mwakutukika uku zuŵa lino.”

1 Samuele 17:43

MuFilisti uyu wanguti kwaku Davidi, “Kumbi ndi garu ine, kuti utindiziya ndi zinthonga?” Goliati wangutemba Davidi ndi ŵachiuta ŵake.

Nthanthi 27:8

Mwenimo kalandiya kayuni kutuwa ku chizimbu chake ndimu wachitiya munthu mweniyo walanda ku nyumba yake.

Yesaya 16:2

Ulaka ndi viyuni vyakuphururuka, uli ndi visa vyakupasuka, ndimu ŵaliri ŵana ŵanthukazi ŵaku Moabu pa vipholi vyaku Arnoni.

2 Samuele 16:8

Ambuya awezga nduzga paku iwe, ndopa zose za nyumba yaku Sauli, pa malo ghaku mweniyo iwe wausa; ndipo Ambuya apereka ufumu mu janja la mwana wako Absalomu. Ehe, kupasuka kwe paku iwe; chifukwa we munthu wa ndopa.”