Nthanthi 25:1 - Tonga Bible 1986

¹ Izi nazo so ndi nthanthi zaku Solomoni zenizo ŵanthu ŵaku Hezekiya karonga waku Yuda ŵangutoko.

Nthanthi 25:1 Referans Kwoze

Nthanthi 1:1

Nthanthi zaku Solomoni, mwana waku Davidi, karonga waku Yisraele:

1 ŴaKaronga 4:32

Wangukamba so zinthanthi vikwi vitatu (3,000); ndipo sumu zake zenga chikwi chimoza ndi zinkhonde (1,005).

Mika 1:1

Mazu gha Ambuya gho ghanguza kwaku Mika waku Moresete mu mazuŵa ghaku Yotamu, Ahazi, ndi Hezekiya, ŵakaronga ŵaku Yuda; ndivyo wanguwona kunena vya Samaria ndi Yerusalemu.

Hoseya 1:1

Mazu gha Ambuya gho ghanguza kwaku Hoseya, mwana waku Beri mu mazuŵa ghaku Uziya, Yotamu, Ahazi, ndi Hezekiya ŵakaronga ŵaku Yuda mu mazuŵa ghaku Yeroboamu waku Yoasha, karonga wa ŵaYisraele.

Yesaya 37:2

Ndipo wangutuma Eliakimu, yo wenga wakutufuliya nyumba yose, ndi Shebna mlembi, ndi ŵazukuru ŵara, ŵakuvwalikika ndi vigudulu, ku mchimi Yesaya mwana waku Amozi.

Yesaya 36:22

Sono Eliakimu mwana waku Hilikiya, yo wenga wakutufuliya nyumba yose, ndi Shebna mlembi, ndi Joya mwana waku Asafi, mlembi wa makani, ŵanguza kwaku Hezekiya ndi vivwalo vyawo vyakuparuka, ndipo ŵangumutauliya mazu gha muthenga yo.

Yesaya 1:1

Chiwona chaku Yesaya mwana waku Amozi, cho wanguwona chakukamba ndi Yuda ndi Yerusalemu mu mazuŵa ghaku Uziya, Yotamu, Ahazi, ndi Hezekiya, ŵakaronga ŵaku Yuda.

Wakutaula 12:9

Pakuŵa wazeru, Wakutaula wangusambizga ŵanthu vinjeru, kupima ndi kusanda ndi kululika zinthazi zinandi kwa rwana likuru ukongwa.

Nthanthi 10:1

Nthanthi zaku Solomoni. Mwana wazeru wakondwereska awiske, kweni mwana wakupusa nchitima ku anyina.

Nthanthi 24:34

ndipo ukavu ukazanga pako uli ngwakupoka, ndipo kusoŵa uli ndi munthu wakuŵa ndi vidya vyakurwiya.