Nthanthi 24:25 - Tonga Bible 1986

²⁵ kweni ŵeniwo ŵachenya ŵamphulupulu ŵakaŵanga ndi kukondwa, ndipo thumbiku la mampha likaŵanga paku wo.

Nthanthi 24:25 Referans Kwoze

1 Timote 5:20

Ŵakulakwa uŵachenye mu maso ghaku wose, alinga kuti ŵakujapo nawo ŵaŵe ndi chopu.

Nthanthi 28:23

Mweniyo wasuska munthu wakasaniyanga mwaŵi pavuli, kuruska mweniyo wanyengele ndi lilime lake.

Tito 2:15

Vyenivi kambanga ndi chiskanga ndi panikizganga ndi mtufu wose. Wangakuyuyuwa cha chingana njumoza.

Tito 1:13

Chisimisimi chenichi nchakuneneska. Pa chifukwa chenicho ŵapanikizge kwakuchenya, alinga kuti ŵakhome mu chivwanu.

Mateyu 14:4

Chifukwa Yohane wamukanizganga, “Kuti kuyamu cha kuti uŵe nayo.”

Nehemiya 13:28

Ndipo yumoza wa ŵana ŵanthurumi ŵaku Yehoiyada mwana waku Eliyashibu mzukuru mura wenga mukosanu waku Sanabalata mwina Horono; chifukwa ndingumudikiska kwangu.

Nehemiya 13:25

Ndipo ndingususkana nawo ndi kuŵatemba ndi kuŵapuma ŵanyake ŵaku wo ndi kukuchuwa sisi lawo; ndipo ndinguŵakakamizga kuchita rapu mu zina laku Chiuta, “Kuti mukapaskanga ŵana ŵinu ŵanthukazi ku ŵana ŵawo ŵanthurumi cha, pamwenga kutole ŵana ŵinu ŵanthurumi, ŵana ŵawo ŵanthukazi cha pamwenga kujitole mwaŵeni.

Nehemiya 13:17

Sono ndingususkana ndi ŵaraŵara ŵaku Yuda, ndinguti kwaku wo, “Mbuheni wa mtundu uli uwu muchita, kukazuzga zuŵa la sabata?

1 Samuele 3:13

Ndipo nditumukambiya kuti nde pafupi kulanga nyumba yake muyaya, pa ulakwi wo wanguwuziŵa, chifukwa ŵana ŵake ŵatukanga Chiuta ndipo iyo kuti wanguŵakanizga cha.

ŴaLevi 19:17

“Mungatinkhanga mwana munyinu mu mtima winu cha, kweni mukambiskanenge kwakujarikana umampha ndi muzengezgani winu, vinu mungatopo ulakwi chifukwa chake.

2 Timote 4:2

memeza mazu; pamphuka mu nyengo yamampha ndi mu nyengo yiheni; panikizga, chenya, chiska mu chilekerezga chose ndi chirunguchizgu.

Nthanthi 24:26

Mweniyo watamuka kwakurunjika wafyofyontha milomo.