Nthanthi 24:16 - Tonga Bible 1986

¹⁶ pakuti munthu murunji watuwankhonde ndi kaŵi ndipo wayuka so; kweni ŵamphulupulu ŵathereskeka ndi suzgu.

Nthanthi 24:16 Referans Kwoze

Sumu 34:19

Vinandi viguŵisku vya murunji; kweni Ambuya atimuwombo kwaku vyose.

Sumu 37:24

nanga wangawa pasi, kuti wakawiyangapo limu cha, pakuti Ambuya atimukorere ndi janja lawo.

Jobu 5:19

Wakakutaskanga ku visuzgu vinkhonde ndi chimoza, mu chachinkhonde ndi chiŵi pakaŵangavi chiheni chakukukwaska.

1 ŴaTesalonika 5:3

Po ŵatiti, “Chimangu ndi wanangwa,” penipo ndipo phasulu lituŵawiya kwakubuchizga, uli ndimo urwirwi utumuŵiya wanthumbo; ndipo kuti wampozomoka kose cha.

Nthanthi 14:32

Wamphulupulu wathereskeka ndikuchita kwake kwa uheni, kweni marunji wasaniya chakubisamamo chifukwa cha ukongorekwa wake.

Nthanthi 13:17

Muthenga muheni wachichizgiya ŵanthu musuzgu, kweni muthenga wamagomezgeka watuza ndi kuchizga.

Amosi 5:2

“Ŵakusankhika ŵangu ŵaYisraele ŵawa ndipo kuti ŵakayukanga so cha ŵasiyika pa charu chawo palivi wakuŵayuska!”

Sumu 52:5

Kweni Chiuta wakakubwanganduwanga muyaya; wakwamphuwenge ndi kukuparuwa mu hema lako; wakakuzuwangamo mu charu cha ŵamoyo.

1 Samuele 26:10

Davidi wanguti, “Mo aliri Ambuya amoyo, Ambuya amubayenge; pamwenga zuŵa lake likazanga wafwenge; pamwenga wasikiyenge ku nkhondo ndi kwachimariya kweniko.

Sumu 7:16

Uheni wake uwere pa mutu waku iyo mweneko, ndipo nkhaza zake zisikiya pa liwombo la mweneko.

Estere 7:10

Karonga wanguti, “Mpayikeni paku weniwo!” Viyo ŵangumpayika Hamani pa muti wo iyo wangulongosore Mordikayi. Ndipo kandundu ka karonga kangutuna.

Machitidu gha Ŵakutumika 12:23

Kweni sosonukweni mungelo wa Mbuya wangumkoso, chifukwa kuti wagupaska unkhankhu kwaku Chiuta cha; ndipo pakunyakata ndi fusi, wanguziririka.

Amosi 8:14

Ŵeniwo ŵarapa pa Ashima waku Samaria, ndipo ŵatiti, mo ‘Chiuta wako waliri wamoyo, O Dani,’ ndipo, ‘Nge ndimo Beresheba wajaliya’; wakawanga, kwambura kuyuka so.”

1 Samuele 31:4

Sono Sauli wangunena ndi wakupinga vidya vyake, “Wewepuwa lipanga lako, undigwaze nalo vinu ŵambura kuchinjika aŵa ŵangaza ŵangandigwaza ndikunditombozga.” Kweni wakupinga vidya vyake wangukana; chifukwa wangopa ukongwa, viyo Sauli wanguto lipanga lake ndi wangujiwiya paku lo.

Sumu 34:21

Uheni ubayenge ŵaheni; ndipo wo ŵatinkha ŵarunji ŵasuskikenge.

Sumu 79:12

Ambuya, awerezgiyenipo ŵamitundu kankhonde ndi kaŵi; chifukwa cha kutuka kose ko ŵatuka imwe.

Nthanthi 6:15

chifukwa uyowe ukazanga pake kwamabuchibuchi, ruŵi-ruŵi wakaswekanga kwambura machizgika.

Nthanthi 24:22

pakuti suzgu yakutuwa kwaku wo yikazanga kwa mabuchibuchi, ndipo njani watiliziŵa phasulu lenilo likatuwanga kwaku wo ŵaŵi viyo?

Yeremiya 8:4

“Ukakambanga kwaku wo, Viyo atiti Ambuya: Asani ŵanthu ŵawa asi ŵayuka so? Asani yumoza wapatukiya kunyake asi wawe so?

Yeremiya 18:17

Nge ndi mphepo yaku vuma ndikaŵaparghang'anga paurongo pa wakupindikana. Ndikaŵarongonga ku msana chisku changu cha, mu zuŵa la sokalawo.”

Chiyambo 19:35

Viyo ŵangumumweska vinyo uskeu usiku wuwa; ndipo mhurwa wangusoka ndi wangula nayo; ndipo wengavi kuziŵa ndi nyengunji wangula pasi pamwenga wanguyukapo.

Maŵerengedu 32:23

Kweni asani kuti mukachitanga viyo cha, ehe, mwalakwiya Ambuya; ndipo muŵe ŵaneneska kuti ulakwi winu ukamusaniyaninga.

Nthanthi 13:21

Soka lidikiskana ndi ŵaheni, kweni kusakata kupaska mphoto kuwakurunjika.

Ezekiele 7:5

“Viyo atiti Ambuya Chiuta: Soka pa soka! Awonani, lafika.