Nthanthi 24:13 - Tonga Bible 1986

¹³ Wa mwana wangu, urghenge uchipa kuti ngwamampha, ndipo vyakunthona vya chisa cha njuchi vya kusamuka mu mlomo wako.

Nthanthi 24:13 Referans Kwoze

Yesaya 7:15

Iyo wakarghanga mafuta ndi uchi penipo wakaziŵanga kukana uheni ndi kusankha umampha.

Sumu ya Zisumu 5:1

Ndaza ku munda wangu, mzichi wangu, bwezi lanu la nthengwa, ndiwunjika wangu ndi vyakununkhire vyangu, nditurgha chisa changu ndi uchi wangu, nditumwa vinyo wangu ndi mkaka wangu. Rghaninga, mwa ŵabwezi, ndipo mwaninga: mwaninga ukongwa, mwa ŵakwanjiwa imwe!

Nthanthi 25:16

Asani wasaniya uchi yimwa waka wakukwana vinu ungavimbirwa nawo ndi ungaukuwa.

Sumu ya Zisumu 4:11

Milomo yako yinthona uchi, bwezi langu lanthengwa; uchi ndi mkaka vye pasi pa lilime lako; fungu la vivwaro vyako liyana ndi fungu laku Lebanoni.

Sumu 119:103

Nako nkhunowa kwa mazu ghinu pakughesa; mu mlomo wangu ghanowa kwakuruska uchi!

Sumu 19:10

Vyakukhumbikwa ukongwa kuruska golide, kuruska golide munandi wakwengeka; vyakusamuka so kuruska uchi, kuruska uchi wakunthona mu chisa.

Mateyu 3:4

Kweni mweniyo Yohane wenga ndi chakuvwara chake cha weya wa gamila, ndi likwamba la chikopa lo wamanganga mu chiunu chake; ndipo chaukurgha chake chenga ŵazombe ndi uchi wamu dondo.

Nthanthi 25:27

Kuti nkhwamampha cha kurgha uchi unandi, viyo ulekenge kukamba mazu ghakurumba.

Nthanthi 16:24

Mazu ghakukondwereska ghachita uli nchisa cha njuchi, kunowa ku mzimu ndi umoyo wamampha ku liŵavu.

Nthanthi 27:7

Yo ngwakuguta watinkha uchi, kweni yo ngwa nja che chose cho nchakuŵaŵa chisamuka.

Ŵeruzgi 14:9

Wanguwupunguliya mu manja ghake, ndipo wangurutiriya warghanga wachenda; ŵanguza awiske ndi anyina, wanguŵapaskako uchi ŵangurgha, kweni kuti wangŵanene cha kuti ndapakuwa uchi mu nyama ya nkharamu.

1 Samuele 14:27

Kweni Jonafani kuti wanguvwa cha za rapu la awiske pa ŵanthu; viyo wanguto ndodo yo yenga mu janja lake ndi wangubwenga mu chisa cha uchi, wangumwa; ndipo maso ghake ghanguŵa ghatuŵa.