Nthanthi 22:29 - Tonga Bible 1986

²⁹ Mutumuwona munthu wakuziŵiskamu nchitu yake? Iyo wakamanga paurongo pa ŵakaronga, kuti wakamanga paurongo pa ŵanthu ŵauliuli cha.

Nthanthi 22:29 Referans Kwoze

1 ŴaKaronga 11:28

Yeroboamu wenga munthu wavinjeru, ndipo penipo Solomoni wanguwona kuti munyamata uyu wenga wakutakataka ukongwa wangumupaska mtufu wakutufuliya ŵanchitu ŵakuchichizgika ŵa nyumba yaku Yosefe.

Mateyu 25:21

Mbuyake wangumnene. ‘Nchamampha muŵanda we wamampha ndi wamagomekezgeka; waŵa wamagomekezgeka pa vinthu vimanavi; pa vinandi ndikuŵikenge: sere muchimwemwe cha mbuyako.’

Nthanthi 12:24

Janja la wakutakataka likausanga, penipo mukata wakaŵikikanga ku nchitu yakuchizgika.

Nthanthi 10:4

Janja lakutomboloka lipaska ukavu kweni janja la warwana liremereska.

Mateyu 25:23

Wanguti kwaku iyo mbuyake, ‘Nchamampha, muŵanda wamampha ndi wamagomekezgeka we, pa vinthu vimanavi waŵa wamagomekezgeka ndikuŵikenge pa vinandi; sere mu chimwemwe cha mbuyako.’

Wakutaula 9:10

Chose cho janja lako lasaniya kuchita, chitanga ndi nthazi yako; pakuti kulivi nchitu pamwenga maghanaghano pamwenga kuziŵa pamwenga vinjeru mu muunda mwenimo ukarutanga.

Chiyambo 41:46

Yosefe wenga wa virimika machumi ghatatu (30) mu umoyo wake pa nyengo yeniyo wangusere munchitu yaku Farao karonga wa Egipiti. Ndipo Yosefe wangutuwapo pa maso paku Farao ndi wangwenda mu charu chose cha Egipiti.

ŴaRoma 12:11

Mureke kuŵa ŵakata mu machitidu ghinu, muŵe ŵamphamphu mu mzimu, teŵetiyani Ambuya.

1 ŴaKaronga 10:8

Mbakukondwa ŵawoli ŵinu! Mbakukongwa ŵaŵanda ŵinu yaŵa, wo nyengu zose ŵatuma paurongo pinu kuvwa zeru yinu.

2 Timote 4:2

memeza mazu; pamphuka mu nyengo yamampha ndi mu nyengo yiheni; panikizga, chenya, chiska mu chilekerezga chose ndi chirunguchizgu.

Chiyambo 47:6

Charu cha Egipiti che paurongo pako; ausu ndi ŵana ŵanyako uŵapaske pakuja po mphamampha ukongwa pa charu ichi; ŵanjenge mu charu cha Gosheni; ndipo asani utiŵaziŵapo ŵanthu ŵanthazi mukati mwawo, uŵamike kuŵa ŵakuphwere ng'ombe zangu.”

1 Samuele 16:21

Davidi wanguti wafika kwaku Sauli wangwamba kumuteŵete. Sauli wangumwanja ukongwa Davidi, ndipo wangumuŵika kuŵa wakupinga vidya vyake.

Nthanthi 23:1

Penipo uja pasi kurgha pamoza ndi wakuwusa, lereska ukongwa vyenivyo vye paurongo pako,

Chiyambo 41:38

Ndipo Farao wanguti ku ŵateŵeti ŵake, “Kumbi tingaziŵa kusaniya munthu wakuŵa nge ndi uyu, mwaku yo mwe mzimu waku Chiuta?”

1 Samuele 17:31

Mazu gho Davidi wangurongoro ghanguti ghavwika, ŵangughakamba kwaku Sauli, ndipo wangutuma kwachimudana.

2 Samuele 2:32

Ndipo ŵangunyamuwa Asahele, ŵangumuŵika mu muunda wa awiske, wo wenga pa Betelehemu. Ndipo Yoabu ndi ŵanthu ŵake ŵangwenda usiku wose, ndipo kunguŵachiya pa Hebroni.

1 Mikoka 4:23

Yaŵa ŵenga ŵakuwumba viŵiya ŵajanga ku Netaimu ndi Gedera; ŵajanga pamoza ndi karonga wa nchitu yake.

Danyele 1:4

Ŵanyamata ŵambura kalema, ŵakutowa, ŵakuwamo vinjeru vyose, ŵakuzazika ndi mziŵiro, ŵakuwamo visambizgu, ndi ŵakuziŵa kuteŵeta mu nyumba ya karonga, ndi kusambizgika malembo ndi mazu gha ŵaKaldiya.

Danyele 1:19

ndipo karonga wangukamba nawo, ndipo mwaku iwo wose mwengavi kusanirika wakuyana ndi Danyele, Hananiya, Mishaele, ndi Azariya, mu chifukwa ichi ŵamanga paurongo pa karonga.