Nthanthi 21:20 - Tonga Bible 1986

²⁰ Usambasi wakuzirwa ujaliliya mo waja munthu wazeru, kweni munthu wakupusa watuwuparghang'a.

Nthanthi 21:20 Referans Kwoze

Sumu 112:3

Mbumba yake yikaŵanga yisambasi ndi yakusakata, ndipo wakaŵanga ndi vya uzali mazuŵa ghose.

Wakutaula 5:19

Munthu yose yo Chiuta wamupaska usambasi ndi vyuma ndi mazaza ghakukondwe navyo, kuronde phande lake ndi kusekere mu nchitu yake; ichi nchawezi chaku Chiuta.

Wakutaula 7:11

Vinjeru vyamampha pamoza ndi chihara, nchanduwu kwaku wo ŵawona lumwi.

Nthanthi 15:6

Mu nyumba ya murunji mwe usambasi unandi, kweni suzgu yiwiya chuma cha wamphurupuru.

Nthanthi 10:22

Chitumbiku cha Ambuya chisakatiska, ndipo kuti asazgiyako chitima cha kwaku cho.

Luka 16:1

Ndipo wanguti ku ŵasambizi nawo, “Kwenga munthu yumoza msambasi, mweniyo wenga ndi mlinda-nyumba; ndipo mwenuyu wangusumulika kwake nge ngwakuparghang'a viŵetu vyake.

Luka 15:14

Ndipo wanguti wamara vyake vyose, kunguwa nja yikuru mu charu chiya; ndipo iyo wangwamba kukavuka.

Sumu 23:5

Murongoso gome paurongo pangu, mu maso gha ŵarwani ŵangu; mutu wangu mwawupaka ndi mafuta, chandi chanu chifuza.

Luka 6:45

Munthu wamampha mu mbiku yamampha ya mtima wake watomu cho nchamampha; ndi mheni nayo mu uheni watomu cho nchiheni: pakuti vyakutuwa mu ufurwi wamu mtima, mlomo wake urongoro.

Mateyu 25:8

Ndipo zizereza zingunene zazeru, ‘Tipaskeniko mafuta ghinu, pakuti nyali zidu zizimwa.’

Yeremiya 41:8

Kweni ŵengapo ŵanthu chumi pakati pawo wo wangukamba kwaku Ishimaele, “Reka kutibaya, pakuti tendi zinkhokwe za trigu, barile, majuta, ndi uchi wakubisika mu minda.” Viyo wangugowoka ndi kuti wanguŵabaya pamoza ndi ŵanyawo cha.

Wakutaula 10:19

Chiŵande chibikikiya vidala, vinyo wakondweska umoyo, ndipo ndrama zitovya mu vinthu vyose.

Jobu 20:18

Wakawezganga cho wangutakatakiya, ndipo kuti wakachimezanga cha; kuti wakakondwanga ndi chanduwu cha malonda ghake cha.

Jobu 20:15

Wameza usambasi, ndipo watiwuwukuwa so; Chiuta watiwutuzga kutuwa munthumbo yake.

Nthanthi 8:21

kupaska ulemelelo kwaku ŵeniwo ŵatindanja, ndi kuzaza mbiku zawo.

Nthanthi 14:24

Chisoti cha ŵazeru ndi zeru yawo, kweni kupusa nkhuvwala kwa ŵakupusa.

Nthanthi 22:4

Mphoto ya kujiyuyuwa ndi kopa Ambuya mbusambasi ndi ulemu ndi umoyo.