Nthanthi 21:12 - Tonga Bible 1986

¹² Murunji wateska nyumba ya wamphulupulu, wamphulupulu wapong'eka pasi kupharghaniko.

Nthanthi 21:12 Referans Kwoze

Nthanthi 14:11

Nyumba ya wamphulupulu yikabwangandulikanga, kweni hema la wakunyoroka likanozganga.

1 ŴaKorinte 10:5

Kweni Chiuta wengavi kukondwa ndi urapasi waku wo; rekani ŵangumwaranikiya mu bozwa.

Amosi 4:11

“Ndinguwanganduwa ŵanyake ŵaku imwe nge ndimo Chiuta wangubwanganduliya Sodomu ndi Gomora, ndipo mwenga nge nchisindi chakubulika ku moto wakunyeka; ndipuuli kuti munguwere kwaku ine cha,” atiti Ambuya.

Nthanthi 14:32

Wamphulupulu wathereskeka ndikuchita kwake kwa uheni, kweni marunji wasaniya chakubisamamo chifukwa cha ukongorekwa wake.

Sumu 107:43

Wo wose mba zeru ŵaghaneghane ndi vinthu ivi ŵaziŵiske ndichanju chakufikapo cha Ambuya.

Sumu 52:5

Kweni Chiuta wakakubwanganduwanga muyaya; wakwamphuwenge ndi kukuparuwa mu hema lako; wakakuzuwangamo mu charu cha ŵamoyo.

Jobu 8:15

Wayegame ku nyumba yake kweni kuti yiziŵa kuma cha. Watiyikhozga kweni yikho gha.

Jobu 5:3

Ndamuwona wakupusa wathaza misisi, kweni ruŵiruŵi ndingutemba malo ghake gha kujapo.

Hoseya 14:9

We yose yo ngwazeru, wawemo vinthu ivi, we yose yo ngwakuchenje waziŵi ivi, chifukwa nthowa za Ambuya zakunyoroka ndipo wakurunjika watenda mwakuzo, kweni ŵabudi ŵaguŵamo.

Nthanthi 13:6

Urunji utumuvikiriya mweniyo nthowa yake njakunyoroka, kweni uheni ugoda wamphulupulu.

Chiyambo 19:29

Viyo kunguŵa kuti, penipo Chiuta wangubwanganduwa misumba yo yamu dambo, Chiuta wangukumbuka Abrahamu, ndipo wangutuzgamo Lote mukati mwa ŵakuphwanyika wo, penipo wanguphwanya misumba yo wajangamo Lote.

Nthanthi 29:16

Asani wamphulupulu ŵepa mtufu utimbanizi ukuwa, kweni ŵarunji ŵakalereskanga pa kuwa kwawo.