Nthanthi 20:6 - Tonga Bible 1986

⁶ Ŵanthu ŵanandi ŵamemeza kujithereska kwa ŵeneko, kweni munthu wamagomekezgeka njani wangabowozga?

Nthanthi 20:6 Referans Kwoze

Sumu 12:1

Ambuya, wovyani, chifukwa sono kulivi nanga njumoza yo watimuwopani imwe; pakuti ŵakugomekezga ŵaparghang'ika mukati mu ŵana ŵa ŵanthu.

Mateyu 6:2

“Penipo uchita wezi, ungakuŵanga mbata cha paurongo pako, uli ndimo ŵachitiya ŵakufuvya mu masinagoge ndi mu zinthowa alinga kuti ŵarumbike ndi ŵanthu. Nadidi ndikuneniyani, ŵaronde mphotu yawo.

Luka 18:8

Ndikuneniyani kuti, waŵachitiyenge utaski ruŵi. Posepose napo, wachiza Mwana wa munthu, wachisaniyenge chivwanu pa charu, kumbi?”

Luka 22:33

Ndipo iyo wangumunene, “Ambuya, pamoza ndi imwe ndi wakurongosoleka kuruta kosekose, ku ulinda ndi ku nyifwa.”

Luka 18:11

Yo mu Farisi wakusoka warombanga viyo kwaku yija, ‘A Chiuta, ndiwonga imwe, kuti nde nge mbakujapo ŵa ŵanthu cha, ŵalikwanukwanu, ŵamburu urunji, ŵarowozi, pamwenga napo nge ndi mwenuyu wamsonkho.

Nthanthi 27:2

Munthu munyake ndiyo wakulumbe kweni mlomo waku wamweni cha; mlendo, kweni milomo yaku wamweni cha.

Nthanthi 25:14

Uli ndi mitambo ndi mphepo yambura vuwa, ndimu walili munthu yo watijikuzga chifukwa cha chaulera chenicho iyo kuti watichipaska cha.

Yeremiya 5:1

Chimbiriyani uku ndi uku mu miseu ya Yerusalemu, lereskani ndi teskani! Penjani uku ndi uku mwenimo! Kuwona vinu mungasaniya munthu, mweniyo wachita cheruzgu chirunji ndi wapenja uneneska; alinga kuti ndimugowoke.

2 ŴaKorinte 12:11

Ndaŵa mzereza; ndimwe mwandikakamizga; chifukwa ndingwenere ine kuchichizgika ndi imwe: chifukwa kuti ndapereŵeko kanthu cha ku ŵakutumika ŵara limu wo, chingana kuti nde kanthu cha.

Yohane 1:47

Yesu wangumuwona Natanele wachiza kwake, wanguti kwaku iyo, “Awonani, muYisraele nadi, mwaku mweniyo mulive urghargha!”

Luka 18:28

Ndipo Petro wanguti, “Awonani, ifwe tareka vyaku taŵeni, ndipo tarondo imwe.”

Mika 7:2

Ŵarunji ŵakumara pa charu, ndipo palivi murunji mukati muŵanthu; wose ŵalindizga ndopa; ndipo yose wasaka mbali wake ndi ukondi.

Wakutaula 7:28

cho mtima wangu waŵa wakupenjapenja, kweni kuti ndachisaniya cha. Mukati mu ŵanthurumi chikwi (1,000) ndasaniyamo munthu yumoza, kweni mu ŵanthukazi chikwi (1,000) kuti ndasaniyamo yumoza cha.

Nthanthi 20:5

Chakwatika mu muwongo wa munthu che uli ndi maji gha ndimba, kweni munthu wakuwamo wachituzgengemo.

Sumu 12:2

Munthu yose wakamba utesi ku mwanasi wake; ndi milomo yauteremusi, ndi mtima wa paŵi ŵakamba.

Mika 7:1

Owe ine! Pakuti ndaŵa nge ndi vipasi vyo vyavunika ndi chihanya, nge ndi vipasi vyakujaliya vuli pavuna, kulivi mphereska zakurgha, kulivi nkhuyu zakwamba kufya zo ndingakhumba.