Nthanthi 2:9 - Tonga Bible 1986

⁹ Po ndipo mukawangamo urunji ndi cheruzgu chirunji ndi kunyoroka, kwa nthowa yose yamampha;

Nthanthi 2:9 Referans Kwoze

Yeremiya 6:16

Viyo atiti Ambuya: “Mani mu zinthowa, ndipo lereskani, fumbani nthowa za mwaka, ko kwe nthowa yamampha; ndipo mwende mwaku yeniyo! Ndipo musaniye chipumulu cha mizimu yinu. Kweni iwo ŵanguti, ‘Kuti tendenge mwaku yo cha.’

Yesaya 48:17

Viyo atiti Ambuya, Muwombozi winu, Mtuŵa Yumoza waku Yisraele: “Ndine Ambuya Chiuta wako, mweniyo watikurunguchizga kusakata, mweniyo watikurongozga mu nthowa yeniyo utenere kwendamo.

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

Sumu 119:99

Ndendi vinjeru kwakuruska ŵasambizgi ŵangu wose, chifukwa ndighanaghana mu virungu chizgu vinu.

Sumu 32:8

Ndikurunguchizgenge ndi kukusambizga nthowa yo utenere kwendamo; ndikupangenge fundu, jisu langu liŵengepaku iwe.

Yesaya 35:8

Ndipo gurwi mukuru wakaŵanga kwenikuwa, ndipo ukadanikanga Nthowa Yakupaturika; ŵaukazuzi kuti ŵakendangamo cha, ŵabereŵeza kuti ŵakalakwiyangamo cha.

Sumu 119:105

Mazu ghinu ndi nyali kumarundi ghangu, ndi ukweru wa nthowa yangu.

Nthanthi 4:18

Kweni nthowa ya ŵarunji ye uli mbukweru wa matandakucha weniwo utuwiya-tuwiya mpaka kwachiya limu.

Nthanthi 8:20

Nditenda mu nthowa ya urunji, mu miseu ya cheruzgu chirunji,

Nthanthi 28:5

Ŵanthu ŵaheni kuti ŵawamo cheruzgu chirunji cha, kweni ŵeniwo ŵapenja Ambuya ŵawamo kwakufikapo.

Sumu 25:12

Njani munthu yo watopa Ambuya? Mweniyo ndiyo amusambizgenge nthowa yo watenere kusankha.

Nthanthi 4:12

Uchenda, muchapu wako kuti ukalandanga cha; ndipo asani uchimbiya, kuti ukaguŵanga cha.