Nthanthi 2:6 - Tonga Bible 1986

⁶ Pakuti Ambuya apaska zeru; ku mlomo wawo kutuwa zeru ndi kuwamo;

Nthanthi 2:6 Referans Kwoze

Yakobe 1:5

Ndipo asani yumoza waku imwe wapere mu zeru, wapemphe kwaku Chiuta, mweniyo wapaska kwaku wose kwawanangwa, ndi kwambura kusinginika; ndipo yikapaskikanga kwaku iyo.

Sumu 119:98

Langulu linu litindipaska zeru kwakuruska ŵarwani ŵangu wose.

Jobu 32:8

Kweni mzimu waku Chiuta wemu munthu, ndi mvuchi waku Wanthazi zose utumupaska zeru.

Luka 21:15

chifukwa ine ndimpaskeninge mlomo ndi zeru, yeniyo zose mphindikwa zinu kuti ziziŵenge cha kwamukako chingana nkhumikirana namwe.

Yesaya 54:13

Ŵana ŵako wose ŵakasambizgikanga ndi Ambuya, ndipo kusakata kwa ŵana ŵako kukaŵanga kukuru.

Yohane 6:45

Kwalembeka mu ŵamchimi, ‘Ndipo ŵaŵenge wose ŵakusambizgika ndi Chiuta.’ Yose yo wavwa ndi wasambira ku Dada, watuza kwaku ine.

1 ŴaKaronga 3:12

awona, sono ndichita kwakulingana ndi mazu ghako. Awona, nditukupaska mtima wa vinjeru ndi wakuteska, viyo kuti wakuŵapo cha kale ndipo kuti wakaŵangapo cha pavuli pakoyo wakayananga nawe.

Yakobe 1:17

Mpasku wose wamampha ndi chawezi chose chizirima nchakutuwa kuchanya chakusika kutuwa ku Dada wa maukweru, mwaku mweniyo mulive ching'anamuka chingana nchiduzi cha ching'anamuka.

Sumu 119:104

Mu marangu ghinu nditanduwamo zeru, chifukwa cho nditinkha nthowa zose ziheni.

Danyele 2:23

Kwaku imwe, Chiuta wa ŵada, ndipereka viwongo ndi marumbu, chifukwa mwandipaska zeru ndi nthazi, ndipo sono mwandivumbuliya cho tingufumba kwaku imwe, chifukwa mwativumbuliya makani gha karonga.”

Danyele 1:17

Chiuta wanguŵapaska ŵanyamata yaŵa vinjeru ndi mziŵiro mu malembo ghose ndi mu vinjeru; ndipo Danyele wanguŵa ndi mziŵiro wa vinjeru mu chakuwona chose ndi mu maloto ghose.

Yesaya 8:20

Kukusambizga ndi ku ukaboni! Kwakuneneska pa mazu yagha ŵakamba kulivi kucha.

1 ŴaKaronga 4:29

Ndipo Chiuta wangupaska Solomoni zeru ndi kuwamo vyakuruska pa mweso, ndi kukuwa kwa vinjeru nge ndi mchenga wa palikumba la nyanja,

Danyele 2:21

Wasintha maora ndi zinyengo, wasezga ŵakaronga ndi kumika ŵakaronga ŵanyake; wapaska zeru ku ŵazeru ndi kuziŵa kwaku wo ŵawamo;

Nthanthi 6:23

Pakuti dangu ndi nyale mbukweru, ndipo kuchenjezga pakuvwiya ndi nthowa ya umoyo,

Sumu 19:7

Dangu la Ambuya ndamampha kwakufikapo, liwerezgemo mzimu; chisimisimi cha Ambuya nchakukho, muzereza chitumusanduska wazeru;

1 ŴaKaronga 3:9

Viyo paskani muŵanda winu zeru yakuwamo pa kweruzga khamu linu, alinga kuti ndiziŵenge mphambanu pakati pa umampha ndi uheni pakuti njani wangaziŵa kweruzga khamu linu lenilikuru ili?”

Chituwa 31:3

ndipo ndamuzaza ndi Mzimu waku Chiuta, ndi mziŵiru ndi chinjeru, ndi kuziŵa ndi umisiri,

1 Mikoka 22:12

Viyo Ambuya ŵija akupaske vinjeru ndi kuwamu, mwakuti achikupaska ulongozgi paku Yisraele, usungenge dangu la Ambuya Chiuta wako.

Nehemiya 7:5

Sono Chiuta wanguŵika mu zeru yangu kuti ndiwungang'e pamoza ŵaraŵara ndi zinduna ndi ŵanthu kuti ŵalembeke mwa mphapu zawo. Ndipo ndingusaniya buku la zimphapu zaku wo ŵanguza pakudanga, ndi ndingusaniya vyenivyo vingulembekamo:

Jobu 22:22

Ronde visambizgu kutuliya kumlomo wake, ndi sunga mazu ghake mu mtima wako.

Sumu 51:6

Ehe, imwe mukhumba uneneska wa mukati mu mtima; chifukwa ichi mundisambizge zeru mukati mwangu.

Wakutaula 2:26

Chifukwa ku munthu yo watimukondweska, Chiuta wapaska vinjeru, kuwamo, ndi chimwemwe; kweni ku mulakwi wapaska suzgu ya kuwunjika ndi kuyereka, mwakuti wapereke kwaku mweniyo Chiuta wakondwa nayo. Ichi nachu so nchawaka ndi suzgu ya mtima.

1 ŴaKaronga 10:24

Ndipo charu chose chapasi chingupenja kuwona Solomoni kuvwa zeru zake, zenizo Chiuta wanguŵika mu mutu wake.

Ezra 7:25

“Ndipo iwe Ezra, kwakulingana ndi vinjeru vyaku Chiuta wako vyo vye ndi iwe, umike ŵeruzgi ŵa charu ndi ŵeruzgi ŵa milando wo ŵeruzgenge ŵanthu wose ku sirgha liya la msinji, wose wo ŵaziŵa marangu ghaku Chiuta wako, ndipo wo ŵalivi kuziŵa uŵasambizgi.

Jobu 12:13

“Kwaku Chiuta kwe vinjeru ndinthazi, we ndi fundu ndi vinjeru.

Jobu 12:16

Kwaku iyo kwe nthazi ndi zeru, ŵakupusika ndi ŵakupusikika wose mbake.

Sumu 19:8

virunguchizgu vya Ambuya vyakunyoroka, vyakukondweska mtima; langulu laku Chiuta ndakutowa, lingweruska.

Sumu 94:10

Ndiyo wendi mtufu pa mitundu, asi wangatondeka kuŵalanga? Ndi musambizgi wa ŵanthu wose, kumbi kuti waziŵa cha?

Sumu 119:34

Ndipaskeni kuwamo, kuti ndisunge dangu linu: ndikalisunganga ndi mtima wangu wose.