Nthanthi 2:22 - Tonga Bible 1986

²² kweni ŵaheni ŵakadumulikangako ku charu cho, ndipo ŵakunyenga ŵakazuwikangamo.

Nthanthi 2:22 Referans Kwoze

Sumu 52:5

Kweni Chiuta wakakubwanganduwanga muyaya; wakwamphuwenge ndi kukuparuwa mu hema lako; wakakuzuwangamo mu charu cha ŵamoyo.

Sumu 37:28

Chifukwa Ambuya atanja cheruzgu, kuti akasiyanga ŵatuŵa ŵawo cha. Ŵakurunjika ŵakasungirizgikanga muyaya, kweni ŵana ŵa ŵaheni ŵakadumulikanga.

Marangu 7:22

Ambuya Chiuta winu watuzgengepo mitundu iyi panthazi pinu kamanakamana, kuti mwakuŵamara ruŵi cha, vinu vikoko vyamu dondo vingachimwa ndaniyani ukongwa.

Nthanthi 10:30

Murunji kuti wakanderezgekangapo cha, kweni wamphurupuru kuti wakajanga mu charu cha.

Sumu 145:20

Ambuya avikiriya wose wo atiŵanja, kweni akaparghang'anga ŵaheni wose.

Sumu 104:35

Ŵaheni ŵaparghang'ike mu charu chapasi; ŵakulakwa kuti ŵaŵemo so cha! Rumbanga Ambuya wa mzimu wangu! Rumbanga Ambuya!

Jobu 21:30

Kuti ŵabendezi ŵataskika muzuŵa la pharghaniko ndikutaskika mu zuŵa la ndewu?

Sumu 37:22

Ŵakutumbikika ndi Ambuya ŵakaharanga charu, kweni ŵakutembeka ndi iwo ŵakadumulikanga.

Sumu 37:20

Kweni ŵaheni ŵasoŵenge; ŵarwani ŵa Ambuya ŵenge nchipozwa chakunozga cha mauliska: ŵaparghang'ikenge nge ndi usi, ŵaparghang'ikiyenge kutali.

Marangu 29:28

ndipo Ambuya anguŵatuzga mu charu chawo ndi ukari ndi kandundu ufyu ndi kukwiya kukuru, ndi kuŵataya mu charu chinyake, uli ndimo kuliri msana wale.’

Nthanthi 11:3

Unthu wakufikapo wa wakunyoroka utuŵarongozga, kweni kubende kwa ŵakunyenga kutuŵananga.

Marangu 29:20

Ambuya kuti angamugowoke cha; kweni ukari wa Ambuya ndi sanji yawo; yiyupukiyenge munthu yo ndi matembo gho ghakulembeka mu buku ili ghakaŵanga paku iyo, ndipo Ambuya akazimwanga zina lake panu pasi.

1 ŴaKaronga 14:14

Kweni Ambuya akajiyuskiyanga karonga paku Yisraele, mweniyo wakadumuwangako nyumba yaku Yeroboamu le.

1 Mikoka 10:13

Viyo Sauli wangufwa mu kwananga kwake; wanguŵa wambura magomekezgeka ku Ambuya chifukwa chakureka kusunga marangu gha Ambuya ndipo so pa chifukwa chakupenja urongozgi ku ŵakuwukwa,

Sumu 52:7

“Awoni munthu yo wengavi kusanduska Chiuta kuŵa chakudingang'amo chake, kweni wangugomezga uzari wa usambasi wake, ndi mu uromba wake kuŵa chakudingang'amo chake.”