Nthanthi 19:12 - Tonga Bible 1986

¹² Ukari wa karonga we uli nkhukoroma kwakamanakamana kwa nkharamu, kweni lisungu lake le uli ndi dungwi pa uteka.

Nthanthi 19:12 Referans Kwoze

Hoseya 14:5

Ndiŵenge nge ndi dungwi kwaku Yisraele, wakaŵanga ndi maluŵa nge ndi lombo; ndi kuthaza misisi yake nge ndi mukongwe.

Nthanthi 20:2

Ukari wakofya wa karonga we uli nkhuwuruma kwa kamanakamana kwa nkharamu, mweniyo watimusosomole ku ukari wapereka umoyo wake.

Nthanthi 28:15

Uli ndi nkharamu yakukoroma, pamwenga biyere wakurotoka, ndimu walili mweruzgi wa mphulupulu pa ŵanthu ŵakavu.

Sumu 133:3

Kwe nge ndi dungwi laku Hermoni, lakuwiya pa mapiri ghaku Zioni. Chifukwa kwenikuwa ndiko Ambuya akupangana chitumbiku chawo, umoyo wambura kumara.

Mika 5:7

Viyo wakujako waku Yakobe wakaŵanga mukati mu ŵanthu ŵanandi nge ndi dungwi lakutuwa kwa Ambuya, nge ndi vuwa pa uteka, kuti yiziulikiya munthu cha, pamwenga kulindizga ŵana ŵa ŵanthu.

Danyele 6:24

Ndipo karonga wangulangula, ndipo ŵanthu ŵa ŵangupacha Danyele ŵangutoreka ndi ŵangupong'eka mu zenje la nkharamu, iwo, ŵana ŵawo, ndi ŵawoli ŵawo; ndipo ŵenga ŵandafike pasi pa zenje, nkharamu zinguŵaparuwa ndi kuvikita viwanga vyawo vyose.

Danyele 5:19

ndipo chifukwa chakuzirwa ko wangumupaska, ŵanthu wose, mitundu ya ŵanthu, ndi makambidu ŵangutenthema ndi kopa paurongo pake. Yo wangukhumba kubaya, wangubaya, ndipo yo wangukhumba kusunga, wangumsunga wamoyo. Yo wangukhumba kumsoska, wangumsoska; ndipo yo wangukhumba kusiska, wangumsiska.

Wakutaula 8:4

Pakuti mazu gha karonga nga nthazi, ndipo ndiyani yo wanganena kwaku iyo, “Uchitanji?”

Sumu 72:6

Karonga waŵe ulaka nge ndimo vuwa yitung'iya pa minda, nge ndimo vuwa yiwazgiya pa charu.

Estere 7:8

Ndipo karonga wanguwe ku munda wa nyumba ya ufumu wangusere mu nyumba mo mwenga dghera la vinyo, wanguwona Hamani wawa pa chakujapo cho wangujapo Estere. Karonga wanguti, “Kumbi wachichizga so fumukazi pa maso ghangu mu nyumba?” Pakutuwa mazu mu mlomo wa karonga ghangumubenekere Hamani chisku.

2 Samuele 23:4

aŵaliya paku wo nge nkhucha kwa mlenji, nge nkhuŵala kwa dazi mu mlenji wambura mitambo, nge ndi vuwa yakutuzga chipozwa pasi.

Chiyambo 27:28

Chiuta wakupaske dungwi la kuchanya, ndi lakututuŵa kwa charu chapasi, ndi kurgha kunandi ndi vinyo Munandi.

Marangu 33:28

Viyo Yisraele wanguja mu chimangu, chisima chaku Yakobe yija, mu charu cha chakurgha ndi vinyo, inya, machanya ghake ghanthona dungwi.

Yesaya 18:4

Pakuti viyo ndimu angukambiya kwangu Ambuya: “Chisisi ndikapenjanga mwa kuja ine uli ndi kufunda kwa pakweru mu lumwi, ulaka ndi mtambo wa dungwi mu kufunda kwa vuna.”

Estere 1:12

Kweni fumukazi Vashite yingukana kuza pa langulu la karonga lo linguza ndi zinduna ziya. Ndipo karonga wangufya mtima ukongwa, ndipo ukari wake ungukole mwake.