Nthanthi 17:23 - Tonga Bible 1986

²³ Munthu wa mphulupulu waronda vinda ndi mtima wose kutimbanizga nthowa za cheruzgu chirunji.

Nthanthi 17:23 Referans Kwoze

Mika 7:3

Manja ghawo ghe paku chonchiheni, kuchichita ndi phamphu; ŵakaronga ndiŵeruzgi ŵapenja vinda, ndi munthu wakuziŵa wakamba khumbu liheni la mu mtima wake; viyo ŵatiuchita pamoza.

Nthanthi 17:8

Vinda yenge ndi mwa wa mayelamu maso ghaku mweniyo watiyipereka; kweniko kose watiya wasakata.

Chituwa 23:8

Ndipo mungarondanga vinda chifukwa vinda yiburumutizga maso gha ŵeruzgi, ndipo yibendezga mrandu waku wo mbarunji.

Marangu 16:19

Mungayeruzganga uheni cha. Mungawonanga chisku cha munthu cha; ndipo mungarondenga vinda, chifukwa vinda yijalamaso gha ŵazeru ndipo yinanga ŵarunji.

Mika 3:11

Ŵarongozgi ŵake ŵateruzgiya chimbundi, ŵazukuru ŵake ŵasambizgiya mphoto, ŵamchimi ŵake ŵaloska chifukwa cha ndrama; ndipuuli ŵayegeme ku Ambuya ndi ŵatiti, “Kumbi Ambuya ŵe mukati mwidu cha? Uheni kuti ukatiwiyanga cha.”

Ezekiele 22:12

Mwaku iwe ŵanthu ŵaronda vimbundi vya kudiskiya ndopa, uronde chanduwu ndi chakusazgiyapo upindula vya ŵanasi ŵako mwa nkhaza; ndipo wandiruwa ine, atiti Ambuya Chiuta.

Yesaya 1:23

Ŵaraŵara ŵinu ŵaŵa vigaruka ndi mabwezi gha ŵankhungu. We yose watanja vinda ndipo ŵaunukiya vyaulera. Kuti ŵavikiriya ŵana ŵaranda cha, ndipo makani gha choko ŵatighaphwere cha.

Nthanthi 21:14

Chaulera cha kuubende chituzgapo ukari, ndi vinda lapa chifuŵa lituzgapo uzitu.

Nthanthi 18:16

Mpasku wamunthu utumulongosole iyo malo ndipo utumutole paurongo pa ŵanthu ŵakuzirwa.

1 Samuele 12:3

Ndepano, ndisimikizgiyeni paurongo pa Ambuya ndi pa wakupakika wake. Ndato ng'ombe yaku yani? Pamwenga ndato mbunda yaku yani? Ndapusika yani? Ndakandirizga yani? Pamwenga nkhu janja laku yani ko ndaronde chimbundi kuti ndijari nacho maso ghangu? Ndisimikizgiyeni ndipo ndikawerezgiyangapo.”

1 Samuele 8:3

Kweni ndipuuli ŵana ŵake kuti ŵangwenda mu nthowa zake cha, ŵangupatukiya ku chanduwu chiheni ŵanguronde vimbundi ndipo ŵangutimbanizga kweruzga.

Wakutaula 7:7

Nadidi suzgu yipusiska wazeru; ndipo chimbundi chitanangiska mtima.

Yesaya 5:23

wo ŵapozomoska ŵakulakwa chifukwa cha vinda, ndipo ŵatimuvinda wambura mlando, pa urunji wake!

Ezekiele 22:27

Mafumu ghawo mukati mwake ghayana ndi mphumphi zakuparuwa nyama, kudiska ndopa, kuparghang'a ma umoyo chifukwa chakupenja chanduwu chakupusika.

Mika 3:9

Vwani ichi, imwe mwaŵarongozgi ŵa nyumba yaku Yakobe, ndi mwa mafumu mwa nyumba yaku Yisraele, imwe mutinkha weruzgi ndi kubendezga urunji wose.