Nthanthi 16:21 - Tonga Bible 1986

²¹ Wa zeru mu mtima wadanika munthu wakusanda, ndipo kurongoro kwakukondweska kukuzga kuchichizga.

Nthanthi 16:21 Referans Kwoze

Yesaya 50:4

Ambuya Chiuta andipaska ine lilime laku wo ŵasambizga, alinga kuti ndiziŵenge kumusangaruska ndi mazu yo ngwakuvuka. Mlenji ndi mlenji wayuska gutu langu kuvwa uli ndi wo ŵasambizgika.

Nthanthi 15:7

Milomo ya wazeru yiwandiska chinjeru, ku miwongo ya wakupusa kuti kwe viyo cha.

Nthanthi 27:9

Mafuta ndi vyachema vikondwereska mtima, kweni mzimu uparuka ndi suzgu.

Yakobe 3:17

Kweni zeru yo njakutuwa kuchanya njikhovu danga, pavuli njachimangu, yakoroŵa yakupemberezgeka wenguwengu, yakuzara lisungu ndi vipasi vyamampha, yambura gangang'u, yizira ufyali.

Yohane 7:46

Wangwamuka ŵamirizi, “Chingana ndi kali munthu kuti wangurongoro viyo cha.”

Luka 4:22

Ndipo wose ŵangumsimikizgiya, ndipo ŵatondwanga pa mazu gha wezi ghakutuwa mu mlomo wake; ndipo ŵanenanga, “Asi uyu ndi mwana waku Yosefe?”

Wakutaula 12:10

Wakutaula wangupenja kusaniya mazu ghakukondweska, ndipo kwakunyoroska wangulemba mazu ghakuneneska.

Nthanthi 23:15

Wa mwana wangu, asani mtima wako ngwa zeru, mtima wangu nawo ukakondwanga.

Nthanthi 10:8

Wazeru mu mtima wakaphwerenga marangu, kweni wakupusa wavibwetu wakanangikanga.

Sumu 45:2

Ndiwe wakutowa kwakuruska mu ŵana ŵa ŵanthu; wezi ukupungulikiya mu milomo yako; chifukwa cho Chiuta wakutumbika muyaya.

1 ŴaKaronga 3:12

awona, sono ndichita kwakulingana ndi mazu ghako. Awona, nditukupaska mtima wa vinjeru ndi wakuteska, viyo kuti wakuŵapo cha kale ndipo kuti wakaŵangapo cha pavuli pakoyo wakayananga nawe.

ŴaRoma 16:19

Chifukwa kuvwiya kwinu kwawanda mwaku wose. Viyo ndikondwere paku imwe; kweni ndikhumba imwe kuŵa ŵazeru kwaku cho nchamampha, kweni ŵambura kalema kwaku cho nchiheni.

Mateyu 11:25

Pa nyengo yeniyo, Yesu wanguti, “Ndikuwongani, Ada, mweni kuchanya ndi pasi, kuti munguvibisa ivi ku ŵazeru ndi ŵakuwamo, ndipo munguvivumbuliya ku ŵamjedu.

Nthanthi 16:22

Zeru nchisima cha umoyo kwaku mweniyo we nayo, kweni kupusa ndi likhwechu la ŵakupusa.

Hoseya 14:9

We yose yo ngwazeru, wawemo vinthu ivi, we yose yo ngwakuchenje waziŵi ivi, chifukwa nthowa za Ambuya zakunyoroka ndipo wakurunjika watenda mwakuzo, kweni ŵabudi ŵaguŵamo.

Nthanthi 10:13

Pa mlomo waku yo ngwakuwamo pasanirika zeru, kweni ndodo nja pa msana paku yo walivi chinjeru.

Nthanthi 10:23

Kuchita uheni kwenge ndi saza ku wakupusa kweni kachitidu kamampha kakondweska munthu wa vinjeru.