Nthanthi 16:19 - Tonga Bible 1986

¹⁹ Nkhwamamphaku kuŵa ndi mzimu wakujiyuyuwa pamoza ndi ŵasauchi, kwakuruska kugaŵana vyachiskoŵa ndi wakukondwa.

Nthanthi 16:19 Referans Kwoze

Mateyu 5:3

“Mbakutumbikika ŵasauchi mu mzimu, pakuti ngwawo ufumu wo wa kuchanya.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Sumu 138:6

Inya nanga Ambuya ŵe kuchanya kutali, kweni aphwere ŵakusuzgika, ndipo kwaku iwo kuti ŵakabisamanga cha ŵakujikuzga.

Sumu 34:18

Ambuya ŵepafupi ku ŵakusweka mtima, ndi kuwombo mizimu yakutekenyeka.

Chituwa 15:9

Wamawongo wanguti, ‘Ndikandondoloskanga, ndikaŵakonga, ndikagaŵanga vyakuskowa, khumbo langu likagutiskikanga ndi vyenivi, ndikawewepuwanga lipanga langu, janja langu likaŵamaranga.’

Yesaya 53:12

Chifukwa chenichi ndikamugaŵiyanga chigaŵa pamoza ndi ŵakuzirwa, wakagaŵananga vyakuskoŵa ndi virimbi, chifukwa wangupunguliya mzimu wake ku nyifwa, ndipo wenguŵerengeke pamoza ndi ŵakulakwa; kweni ndipuuli wangunyamuwa uheni wa ŵanandi, ndi kupepeske ŵakulakwa.

Yesaya 10:6

Nditimutuma ku mtundu wambura Chiuta, ku ŵanthu ŵakundikaraliska ndiku nditumulanguliya, kwachito vyakuskoŵa ndi kuronda vyakuphanga, kuvipwatiya pasi nge mbulambwi, wamu miseu.

Yesaya 9:3

Imwe mwandaniska mtundu, mwandaniska likondwa lake, ŵakondwa paurongo pinu, uli ndi likondwa la pakuvuna, uli ndi po ŵakondwe ŵanthu ŵachigaŵana vyakuskoŵa.

Nthanthi 29:23

Kujikuzga kwa munthu kukamusiskiyanga pasi, kweni mweniyo ngwakujiyuyuwa mumzimu wakarondanga thumbiku.

Ŵeruzgi 5:30

‘Ndiku kuti wasaniya miskowo sono ŵagaŵana? Mwali yumoza pamwenga ŵaŵi ku munthurumi we yose; miskowo ya vinthu vyakuzganga njaku Sisera, miskowo ya vinthu vyakuzganga, vyakuzgangika viŵi vya maŵangamaŵanga vyakudyoŵe khosi la wakupunda.’

Nthanthi 1:13

tikasaniyanga chuma chose cha mutengo ukuru, tikazazanga nyumba zidu ndi vyakuskoŵa;

Nthanthi 1:14

ubatikana nafwe pamoza ifwe tose tikaŵanga ndi chikwama chimoza.”

Nthanthi 3:34

Ku ŵakuyeya, iyo ngwakuyeya, kweni ku ŵakujiyuyuwa walongo mwaŵi.

Nthanthi 25:7

pakuti nkhwamampha kunenereka kuti, “Kwerekuno,” kwakuruska kukupauskiya pasi mu maso gha mwana wa karonga.