Nthanthi 15:30 - Tonga Bible 1986

³⁰ Ukweru wa jiso ukondwereska mtima, ndipo uthenga wamampha uziziriska viwanga.

Nthanthi 15:30 Referans Kwoze

Yesaya 58:11

Ndipo Ambuya akamurongozganinge rutaruta, kugutiska khumbu linu ndi vyamampha, kukhomeska viwanga vinu, ndipo mukaŵanga uli ndi munda wakudiriya maji, nge nchisima cha maji, cho maji ghake kuti ghatuphwa cha.

Nthanthi 25:25

Uli ndi maji ghakuzizira ku mtima wa nyota ndimu ghalili makani ghamampha ghakutuliya kutali chakubwibwituka.

Chivumbuzi 22:5

Ndipo usiku kuti ukaŵangapo so cha; ndipo ŵalivi kukavuka ukweru wa limbuni, chingana ngwa dazi; pakuti Mbuya Chiuta waŵaŵaliyenge; ndipo ŵausenge muyaya ndi muyaya.

Chivumbuzi 21:23

Ndipo msumba wo ulivi kukavuka dazi, chingana ndi mwezi, kuti viuŵaliye: chifukwa unkhankhu waku Chiuta nkhungweruka kwake, ndipo Mwana-mberere yo ndi limbuni lake.

Wakutaula 11:7

Ukweru ngwamampha, ndipo nchakukondweska ku maso kuwona lumwi.

Nthanthi 17:22

Mtima wakusangaruka ndimunkhwara wamampha, kweni mzimu wa chitima umizga viwanga.

Nthanthi 13:9

Ukweru wa murunji ukondwere, kweni nyali ya wamphulupulu yikazimwikanga.

Sumu 89:15

Ŵakukondwa mbanthu wo ŵasopa imwe ndi zisumu, wo ŵatenda mu ukweru wa chisku chinu,

Ezra 9:8

Kweni sono kanyengo kamanavi, Ambuya Chiuta warongo wezi kutitaska ifwe takujako, ndi kutipaska chikhazi mu malo ghake ghatuŵa, mwakuti Chiuta widu wangweruske maso ghidu, ndi kutiyuska mu uŵanda widu.

Nthanthi 3:8

Ichi chikaŵanga kuchizga ku nyama yako ndi kututuvya ku viwanga vyako.

Nthanthi 15:29

Ambuya ŵe kutali ku wamphulupulu, kweni ŵatuvwa rombu la marunji.

Nthanthi 15:31

Mweniyo gutu lake liphwere kuchenyeka kwamampha wakajanga mukati mu ŵazeru.

Nthanthi 12:25

Maghanughanu mu mtima wa munthu ghatimusiskiya pasi, kweni limazu lamampha litumukondweska.