Nthanthi 15:17 - Tonga Bible 1986

¹⁷ Nkhwamampha kurgha minkhwani ndi ŵanthu wo utanja, kuruska kurgha nyama yamampha ko kwe tinkhu.

Nthanthi 15:17 Referans Kwoze

Nthanthi 17:1

Chamamphaku nkhurgha kumanavi pamoza ndi chisisi, kwakuruska nyumba yakuzala vyakurgha pamoza ndi ndeu.

Nthanthi 21:19

Nkhwamamphaku kuja mu charu cha bozwa kwakuruska kuja ndi munthukazi wakuŵereŵeta-ŵareŵeta ndi wakukarariska.

1 Yohane 4:16

Ndipo ifwe tiziŵa ndipo tavwana ndi chanju chenicho Chiuta wenacho kuchiri kwaku ifwe. Chiuta nchanju; ndipo mweniyo waja mu chanju, waja mwaku Chiuta, ndipo Chiuta waja mwaku iyo.

ŴaFilipi 2:1

Viyo asani mwe masangu ghakuti mwaku Kristu, asani mwe sangarusku lakuti la chanju, asani mwe wanase wakuti wa Mzimu, asani mwe vyachitima vyakuti ndi vyalisungu.

Mateyu 22:4

Wangutuma so ŵaŵanda ŵanyake, wakuti, ‘Kaŵaneniyeni ŵakudanika wo, Onani, mrauku wangu ndarongoso; ng'ombe zangu ndi vyakununa vyangu vyabayika, ndipo vyose vyarongosoreka: zaninga ku zowara.’

Luka 15:23

ndipo toni tholi lakututuŵa, kabayeni, ndipo tirghe, tikondwenge:

Wakutaula 4:6

Lamampha ndi janja limoza lo lazaza chisisi kwakuruska manja ghaŵi ghakuzaza suzgu ndi kukweŵeskeka kwa mtima.

Nthanthi 16:8

Nkhwamamphako kamanavi pamoza ndi urunji kwakuruska kuronde vyuma vinandi pamoza ndi kupusika.