Nthanthi 15:16 - Tonga Bible 1986

¹⁶ Nkwamampha kuŵa mkavu, ndikopa Ambuya, kwakuruska kuŵa musambasi mu suzgu.

Nthanthi 15:16 Referans Kwoze

Nthanthi 16:8

Nkhwamamphako kamanavi pamoza ndi urunji kwakuruska kuronde vyuma vinandi pamoza ndi kupusika.

Sumu 37:16

Tumanavi to wenato murunji nthwamampha kwakuruska vya uzari vya ŵaheni ŵanandi.

1 Timote 6:6

Kweni uwopa Chiuta pamoza ndi kukoroka mu mtima mbuparauzi ukuru:

Nthanthi 28:6

Wamamphaku ndi munthu mukavu mweniyo watenda mu ukongolekwa wake kwakuruska musambasi yo ngwakulandizga mu nthowa zake.

Nthanthi 10:22

Chitumbiku cha Ambuya chisakatiska, ndipo kuti asazgiyako chitima cha kwaku cho.

Nthanthi 15:15

Mazuŵa ghose gha wakuyuzgika ngaheni, kweni mtima wakusangaruska wendi kurgha kunandi kwakurutiriya.

Wakutaula 4:6

Lamampha ndi janja limoza lo lazaza chisisi kwakuruska manja ghaŵi ghakuzaza suzgu ndi kukweŵeskeka kwa mtima.

Nthanthi 17:1

Chamamphaku nkhurgha kumanavi pamoza ndi chisisi, kwakuruska nyumba yakuzala vyakurgha pamoza ndi ndeu.