Nthanthi 15:13 - Tonga Bible 1986

¹³ Mtima wakukondwa usangaruska chisku, kweni chifukwa cha chitima mu mtima mzimu usweka.

Nthanthi 15:13 Referans Kwoze

Nthanthi 17:22

Mtima wakusangaruka ndimunkhwara wamampha, kweni mzimu wa chitima umizga viwanga.

Yohane 14:1

“Ungakweŵekanga mtima winu cha: vwanani mwaku Chiuta, vwanani mwaku ine so.

Nthanthi 18:14

Mzimu wamunthu ukunthiyengepo matenda; kweni mzimu wakusweka njani wanganyamuwa?

Nthanthi 12:25

Maghanughanu mu mtima wa munthu ghatimusiskiya pasi, kweni limazu lamampha litumukondweska.

Nthanthi 15:15

Mazuŵa ghose gha wakuyuzgika ngaheni, kweni mtima wakusangaruska wendi kurgha kunandi kwakurutiriya.

2 ŴaKorinte 7:10

Chifukwa chitima chakuchiri kwaku Chiuta chitata chipe chakurata ku utaski, chenicho kuti chilengeska cha kweni chitima cha charu chibara nyifwa.

2 ŴaKorinte 2:7

viyo kuti kuchiri kunyake mujiwezge mumugowoke ndi kumsangaruska, vinu kokuli wangakoleka ndi chitima chakuruska

2 ŴaKorinte 1:12

Chifukwa chitumbwa chidu nchenichi, chisimisimi icho cha njuŵi zidu, kuti mu charu ukongwako mwaku imwe tajijariya mu ukhovu ndi uneneska waku Chiuta, mu zeru ya ŵanthu cha, kweni mu wezi waku Chiuta.

Nehemiya 2:2

Ndipo karonga wanguti kwangu, “Chifukwa chine chisku chako chazimbwa pakuti ulivi kutama? Aka kuti nkhanthu kanyake cha kweni nchisungu cha mtima.” Sono ndingofyerwa ukongwa.

Nthanthi 14:30

Muwongo wakuzika upaska umoyo ku nyama, kweni ukari uvundiska viwanga.