Nthanthi 15:12 - Tonga Bible 1986

¹² Wakunyoza kuti wakhumba kuchenyeka cha; kuti wakhumba kuya ku wazeru cha.

Nthanthi 15:12 Referans Kwoze

Amosi 5:10

Ŵatimutinkha yo wachenya mu likomo, ndi ŵanyanyara nayo yo wakamba uneneska.

Jobu 21:14

Ŵatiti kwaku Chiuta, ‘Tuwaniko kwaku ifwe! Kuti tikhumba zeru za nthowa zinu cha.

2 Timote 4:3

Chifukwa yikazanga nyengo penipo ŵarekenge kuvwiyapo chisambizgu cho chizirima kweni pakuŵa ndi makutu ghakunyenye, ŵajiunjikiyenge ŵasambizgi kwakuyana ndi malikhumbira ghaku ŵija;

Yohane 7:7

Kuti charu chingatinkha imwe cha; kweni chitinkha ine, pakuti ine ndisimikizgiya paku cho, kuti ziheni nchitu zake.

Nthanthi 15:10

Pe kulangika kuzitu kwaku yo wareka nthowa; mweniyo watinkha kuchenyeka wakafwanga.

2 Mikoka 18:7

Ndipo karonga waku Yisraele wanguti kwaku Yehosafati, “Wachariko yumoza yo tingafumbako vyaku Chiuta, Midaya mwana waku Imla, kweni ndimutinkha, chifukwa ine kuti wandichimiya vyamampha cha, kweni mazuŵa ghose viheni pe.” Ndipo Yehosafati wanguti karonga, “Wangakambanga viyo cha.”

Nthanthi 13:1

Mwana wazeru watuvwa kurunguchizga kwa awiske, kweni wakuyeya kuti wategherezga ku kuchenya cha.

Nthanthi 1:22

“Mpaka zuŵanji, mwaŵana, mwanjenge vya chiwanamana? Mpaka zuŵanji ŵakutafura ŵakakondwerenga mu kutafura kwawo ndi ŵakupusa kutinkha zeru?

Nthanthi 14:6

Wakunyoza wapenja kwa waka zeru, kweni chinjeru nchiyuyu ku munthu wakuwamo.