Nthanthi 15:10 - Tonga Bible 1986

¹⁰ Pe kulangika kuzitu kwaku yo wareka nthowa; mweniyo watinkha kuchenyeka wakafwanga.

Nthanthi 15:10 Referans Kwoze

Nthanthi 12:1

We yose wakwanja kuvwiya watanja chinjeru, kweni mweniyo watinkha kuchenjezgeka ndi bereŵeza.

Yohane 3:20

Pakuti yose wakuchita uheni watinkha Kungweruka ndipo kuti watuza ku Kungweruka ko cha, vinu nchitu zake zingasuskika.

Nthanthi 13:1

Mwana wazeru watuvwa kurunguchizga kwa awiske, kweni wakuyeya kuti wategherezga ku kuchenya cha.

Nthanthi 10:17

Mweniyo waphwere kusambizga we munthowa yaku umoyo, kweni mweniyo wakana kususkika wapulukiya.

Yohane 7:7

Kuti charu chingatinkha imwe cha; kweni chitinkha ine, pakuti ine ndisimikizgiya paku cho, kuti ziheni nchitu zake.

Nthanthi 5:12

ndipo mukakambanga, “Bama mo ndingutinkhiya kuvwiya, ndipo mtima wangu unguyeya kuchenjezga!

Nthanthi 1:30

ŵangukana kuronda nanga njimoza ya fundu zangu, ndipo ŵanguyuyuwa chenjezgu langu,

1 ŴaKaronga 22:8

Ndipo karonga ŵaYisraele wanguti kwaku Yehosafati, “Wachalipo munthu yumoza mweniyo tingafumbako gha Ambuya, Mikaya mwana waku Imla; kweni nditumutinkha, pakuti kuti wachimapo ghamampha paku ine cha, kweni ghaheni pe.” Yehosafati wanguti, “Karonga wareke kukamba viyo.”

1 ŴaKaronga 21:20

Ahabu wanguti kwaku Eliya, “Kumbi wandisaniya, wa mphindikwa wangu we?” Wangwamuka, “Ndakusaniya, chifukwa wajiguliska wamweni kuchita mphurupuru mu maso gha Ambuya.

1 ŴaKaronga 18:17

Penipo Ahabu wanguwona Eliya, Ahabu wanguti kwaku iyo, “Kumbi ndiwe, iwe wakusuzga Yisraele?”

Nthanthi 23:35

“Wangundipuma,” ndimu ukakambiyanga, “Kweni kuti ndingupwetekeka cha; ŵangundipuma, kweni kuti ndinguwapo cha. Kumbi ndiyukenge zuŵanji? Ndikapenjanga kumwa kunyake.”

Nthanthi 1:25

ndipo mwakana fundu zangu zose, ndipo mulivi kuronde nanga ndimoza chenjezgu langu,

Nthanthi 15:9

Nthowa ya wamphulupulu mbukazuzi ku Ambuya, kweni ŵatanja mweniyo wandondoloska urunji.

Nthanthi 15:11

Muunda ndi pharghaniku vye pakweru paurongo pa Ambuya, nako kwe mtima ya ŵanthu kwe uli!

Jobu 34:27

chifukwa ŵangureka kumurondo, ndipo ŵengavi kuphwere nanga njumoza ya nthowa zake.

Sumu 50:17

Pakuti iwe utinkha kuchenjezgeka, mazu ghangu utighapong'a kuvuli kwako.

Yeremiya 2:17

Asi ndimwe mwaŵeni mwajidaniya uheni uwo kuti ukuziyeni pakureka Ambuya Chiuta winu, penipo wangukurongozgani mu nthowa?

Ezekiele 33:9

Kweni asani wamucheŵeska muheni kuti wareke nthowa yake, ndipo iyo kuti waweko ku nthowa yake cha; wakafwanga mu kwananga kwake, kweni iwe wataska umoyo wako.