Nthanthi 14:35 - Tonga Bible 1986

³⁵ Mteŵeti yo wachita kwa zeru wendi mwaŵi wa karonga, kweni ukari wake utuwa paku yo watakataka kwakulengeska.

Nthanthi 14:35 Referans Kwoze

Mateyu 25:23

Wanguti kwaku iyo mbuyake, ‘Nchamampha, muŵanda wamampha ndi wamagomekezgeka we, pa vinthu vimanavi waŵa wamagomekezgeka ndikuŵikenge pa vinandi; sere mu chimwemwe cha mbuyako.’

Mateyu 25:21

Mbuyake wangumnene. ‘Nchamampha muŵanda we wamampha ndi wamagomekezgeka; waŵa wamagomekezgeka pa vinthu vimanavi; pa vinandi ndikuŵikenge: sere muchimwemwe cha mbuyako.’

Nthanthi 22:11

Mweniyo watanja utozi wa mtima, ndi mweniyo kurongoro nkhwawezi, ndi wakaŵanga ndi karonga uli ndi bwezi lake.

Nthanthi 29:12

Asani mweruzgi wategherezga ku utesi nduna zake zose zikaŵanga za mphulupulu.

Nthanthi 25:5

tuzganipo wamphulupulu paurongo pa karonga, ndipo chitengo chake chikakuzgikanga mu urunji.

Nthanthi 20:26

Karonga wazeru waziŵa ŵamphulupulu, ndipo wapiska mkombelo paku wo.

Nthanthi 20:8

Karonga mweniyo waja pa chitengo cha cheruzgu wateska uheni wose ndi maso ghake.

Nthanthi 19:26

Mweniyo wachitiya nkhaza wiske ndi wadikiska nyina, ndi mwana mweniyo walengeska ndipo watole kuchenya.

Nthanthi 17:2

Muŵanda mweniyo wachita kwa zeru wakausanga pa mwana mweniyo wachita kwachilengesku, ndipo wakasanganangapo chihara uli njumoza wa ŵana ndi ŵana.

Nthanthi 10:5

Mwana yo wawunjika mu chihanya ngwazeru, kweni mwana mweniyo wagona pa chivuna walengeska.

Nthanthi 14:34

Urunji ukuzga khamu la ŵanthu, kweni uheni nchilengesku kuŵanthu ŵe wose.

Chiyambo 41:38

Ndipo Farao wanguti ku ŵateŵeti ŵake, “Kumbi tingaziŵa kusaniya munthu wakuŵa nge ndi uyu, mwaku yo mwe mzimu waku Chiuta?”

Estere 7:7

Karonga wangusoka pa dghera ndi ukari, wanguruta ku munda wa maluŵa wa nyumba ya ufumu kweni Hamani wangusoka wakuŵeyerere umoyo wake ku fumu­kazi Estere, pakuti wanguwona kuti karonga wangutundiya ndi wakhumbanga kumuchitiya chiheni.

Nthanthi 16:13

Milomo yirunji ndi likondwa lakaronga, ndipo watanja mweniyo wakamba chenicho nchamampha.