Nthanthi 14:26 - Tonga Bible 1986

²⁶ Mu kopa Ambuya munthu wendigomezgu la nthazi, ndipo ŵana ŵake ŵakaŵanga ndi pakubisama.

Nthanthi 14:26 Referans Kwoze

Nthanthi 19:23

Kopa Ambuya kurongozge ku umoyo, ndipo mweniyo we nako waja ndi kukhorwa, kuti urwani ukamuziyanga cha.

Nthanthi 18:10

Zina la Ambuya ndi sonjo wakurama; munthu murunji wachimbiriya mwenimo wabisama.

Yesaya 33:6

ndipo akaŵanga mzati pa nyengo zinu; akuzara utaski, zeru, ndi kuziŵa; kopa Ambuya ndicho chuma chake.

Malaki 4:2

Kweni imwe mutopa ine mwamuwona dazi la urunji lichituwa ndi uchizgi mu mapapiku ghake. Mwamuruta ndi kuchilipuka nge ndi mathole ghachituwa mu khola.

Sumu 112:1

Rumbani Ambuya! Wakukondwa ndi munthu yo watopa Ambuya, yo wakondwere mu kuvwiya marangu ghawo.

Machitidu gha Ŵakutumika 9:31

Viyo mu Yuda mose ndi mu Galile ndi mu Samaria mpingu waŵanga ndi chimangu, ndipo unguzengeka; wakwenda mu chopu cha Ambuya ndi mu unkhoswi wa Mzimu Wakupaturika ungwandana.

Wakutaula 7:18

Nkhwamampha kuti uchikoreske ichi, ndipo ureke kutuzgapo janja lako paku cho; chifukwa yo watopa Chiuta wakatuwangmo mwaku vyo vyose.

Chiyambo 31:42

Asani Chiuta wa ada, Chiuta waku Abrahamu ndi Chiuta waku Yisaki, wengavi kuŵa kuchiri kwangu, kwakuneneska sono mphanyi wandidika kwambura ndi kanthu mu manja. Chiuta wanguwona suzgu yangu ndi kutakataka kwa manja ghangu, ndipo wakuchenya iwe usiku waruta.”

Yeremiya 15:11

Ambuya mwe, kwakuneneska ndapempha umampha wawo kwinu, ndamuŵeyereni chifukwa cha wakupindikana, mu nyengo ya suzgu ndi mu nyengo ya kuyungwa!

Nthanthi 14:27

Kopa Ambuya nchisima cha umoyo, alinga kuti munthu wapambane ndi viŵana vya nyifwa.

Nthanthi 20:7

Munthu murunji mweniyo watenda mu uneneska wake, mbakutumbikika ŵana ŵake pavuli pake!