Nthanthi 13:25 - Tonga Bible 1986

²⁵ Murunji wendi vinandi kukhorweskanja yake, kweni rufu la wamphulupulu lisoŵa kurgha.

Nthanthi 13:25 Referans Kwoze

Sumu 34:10

Nkharamu za mpupuka zisauka ndi kuvwa nja; kweni ŵakupenja Ambuya kuti ŵasauka cha kamampha kose.

Nthanthi 10:3

Ambuya kuti azomerezga kufwa ndi nja cha, kweni aziŵanizga kunweka kwa wamphulupulu.

ŴaHebere 13:5

Nkharu yinu yingaŵanga yakwanja ndrama cha; mukhorwe ndi vyo mwe navyo; chifukwa wanguti mweneko, “Kuti ndamleka iwe cha, chingana nkhuti ndamsiya iwe cha kosekose.”

1 Timote 4:8

chifukwa kujilimbiska ko kwaliŵavu nkhwakwanduliya kumanavi; kweni uwopa Chiuta ngwakwanduliya vyose, pakuŵa nacho chipanganu cha umoyo wasono ndi chaku wo utakuzanga.

Nthanthi 6:11

ndipo ukavu ukazanga paku iwe uli ngwakuyingayinga, ndi kusauka uli ngwakuphata nguru.

Marangu 32:24

ŵakanangikanga ndi nja, ndi kumarika ndi chifundizi cha kocha, ndi chideru chakubaya; ndipo ndikatumanga minyu gha vikoko paku iwo, ndi urwirwi wa vyakukwaŵa pasi.

2 ŴaTesalonika 3:10

Chifukwa penipo napo tenga kwinu, talanguliyanga imwe chenichi, kuti, Asani yumoza wareka kukhumba kutata mlimu, ipu wareke kurgha.

Nthanthi 24:34

ndipo ukavu ukazanga pako uli ngwakupoka, ndipo kusoŵa uli ndi munthu wakuŵa ndi vidya vyakurwiya.

Sumu 37:16

Tumanavi to wenato murunji nthwamampha kwakuruska vya uzari vya ŵaheni ŵanandi.

Sumu 37:3

Gomekezga mu Ambuya, chita umampha; viyo ukajanga mu charu, ndi kukondwa umamphavi.

Marangu 28:48

chifukwa ichi mukatewetiyanga ŵamawongo ŵinu ŵeniwo Ambuya akatumanga kurwana namwe, mu nja, mu nyota, mu ukavu, ndi mu usauchi wa vinthu vyose; akaŵikanga goli la chisulo mu khosi linu, mpaka penipo amuparghang'ani.

Luka 15:14

Ndipo wanguti wamara vyake vyose, kunguwa nja yikuru mu charu chiya; ndipo iyo wangwamba kukavuka.

Sumu 103:5

Wo atikugutiska vyamampha mu umoyo wako wose, reka unyamata wako uweremo nge ndi nombo.

Sumu 132:15

Ndikamusambasiskanga mwaku vyose vyo wakavuka; ndigutiskenge usauchi wake ndi vyakurgha.

Nthanthi 13:18

Ukavu ndi chilengesku vituza kwaku mweniyo wakana kusambizgika, kweni mweniyo waphwere kuchenyeka watumbikika.