Nthanthi 13:22 - Tonga Bible 1986

²² Munthu wamampha wasiya chihara ku ŵazuku ŵake, kweni uromba wa muheni uwunjikikiya murunji.

Nthanthi 13:22 Referans Kwoze

Wakutaula 2:26

Chifukwa ku munthu yo watimukondweska, Chiuta wapaska vinjeru, kuwamo, ndi chimwemwe; kweni ku mulakwi wapaska suzgu ya kuwunjika ndi kuyereka, mwakuti wapereke kwaku mweniyo Chiuta wakondwa nayo. Ichi nachu so nchawaka ndi suzgu ya mtima.

Nthanthi 28:8

Mweniyo watandaniska usambasi wake ndi kubwerekeska kwakuŵikiyapo ndi kwandaniska waunjikiya mweniyo wendi wezi ku ŵakavu.

Sumu 37:25

Ndenga muhurwa, ndipo sono ndakota; kweni ndilivi kuwona kuti murunji wasiyika pamwenga ŵana ŵake kupempha kurgha.

Sumu 112:2

Mphapu yake yikaŵanga ya nthazi mu charu; mgonezi wa munthu wakurunjika ukatumbikikikanga.

Ezra 9:12

Chifukwa ichi rekani kuzomerezga ŵana ŵinu ŵanthukazi kutorana ndi ŵana ŵawo ŵanthurumi, chingana nkhuzomerezga ŵana ŵinu ŵanthurumi kuto ŵana ŵawo ŵanthukazi; mureke kupenja chimangu chingana mbusambasi wawo. Viyo muŵenge ŵanthazi, murghenge vyamampha vya charu ndi kuchisiyiya ŵana ŵinu, chiŵenge chihara chawo muyaya.

Sumu 128:6

Uŵi ndi umoyo uwone ŵazuku ŵako! Chimangu chiŵiye Yisraele!

Sumu 102:28

Ŵana ŵa ŵateŵeti ŵinu ŵakajanga umamphavi, ndipo mazuŵa ghose mphapu yawo yikakhozgekanga paurongo pinu.

Nthanthi 17:6

Ŵazuku nchisoti cha ŵakukota, ndi unkhankhu wa ŵana ŵanthurumi mbauskeu.