Nthanthi 13:21 - Tonga Bible 1986

²¹ Soka lidikiskana ndi ŵaheni, kweni kusakata kupaska mphoto kuwakurunjika.

Nthanthi 13:21 Referans Kwoze

Sumu 32:10

Nganandi maurwirwi ku muheni; kweni chanju chikuru chitimuzingirizga yo ngwakugomekezga mu Ambuya.

Nthanthi 13:13

Mweniyo wayuyuwa mazu watijitole phasulu lamweneko, kweni mweniyo wavwiya dangu wakarondenga mphoto.

Sumu 140:11

Wo ŵasuska ŵanyawo kwa utesi nawo ŵasuskike; mphurupuru yimusake ruŵi munthu wa nkhaza.

Maŵerengedu 32:23

Kweni asani kuti mukachitanga viyo cha, ehe, mwalakwiya Ambuya; ndipo muŵe ŵaneneska kuti ulakwi winu ukamusaniyaninga.

Chiyambo 4:7

Asani uchita umampha, kumbi kuti ukalondelekanga cha? Ndipo asani ureka kuchita umampha, uheni ukhazga pa khomo; ukhumba iwe, kweni iwe uwutufuliye.”

Machitidu gha Ŵakutumika 28:4

Ndipo ŵaheriheri po ŵanguwona chirwani cho chadoromoka pa janja lake, ŵanenerananga, “Nadidi munthu mwenuyu ngwambanda, mweniyo chingana wapozomoka ku nyanja, ndikweni thayulirive kumzomerezga kuŵa wamoyo.”

Sumu 54:5

Iwo akawezgiyanga uheni pa ŵarwani ŵangu; mu ukongorekwa winu muŵadumuwe.

Nthanthi 11:31

Asani murunji walonde thayu pa charu, naku wamphulupulu ndi muheni kuŵenge uli.

Nthanthi 17:13

Asani munthu wawezge uheni pa umampha, uheni kuti ukatuwangako cha ku nyumba yake.

Yesaya 47:11

Kweni chiheni chikakuziyanga, chenicho kuti ungachiŵeyerere cha; soka likakuwiyanga, lenilo kuti ungaziŵa kuliŵeyerere cha; ndipo phasulu likazanga paku iwe kwa mabuchibuchi, lenilo kuti utiliziŵa cha.

Nthanthi 24:16

pakuti munthu murunji watuwankhonde ndi kaŵi ndipo wayuka so; kweni ŵamphulupulu ŵathereskeka ndi suzgu.

Ezekiele 7:5

“Viyo atiti Ambuya Chiuta: Soka pa soka! Awonani, lafika.