Nthanthi 13:11 - Tonga Bible 1986

¹¹ Uromba wakuwutole pa befu ukamaranga, kweni mweniyo waunjika kamanakamana wawandaniskenge.

Nthanthi 13:11 Referans Kwoze

Nthanthi 20:21

Chihara chakuchitole mu ruŵi pakudanga pavuli kuti chitumbikikenge cha.

Nthanthi 10:2

Vyumba vyakusakatika ndi mphulupulu kuti vitanduwa kanthu cha, kweni urunji utaska ku nyifwa.

Nthanthi 28:8

Mweniyo watandaniska usambasi wake ndi kubwerekeska kwakuŵikiyapo ndi kwandaniska waunjikiya mweniyo wendi wezi ku ŵakavu.

Nthanthi 28:22

Munthu wakunweka chuma watinthimikiya usambasi; ndipo kuti waziŵa cha kuti ukavu ukamuziyanga.

Nthanthi 28:20

Munthu wamagomekezgeka wakazalanga ndi vitumbiku, kweni mweniyo watunthumiya kusambasa kuti warekenge kulangika cha.

Yeremiya 17:11

Mweniyo wasaniya usambasi mu nthowa yambura kurunjika, wayana ndi nkhwali yeniyo yiunjika pamoza ŵana wo yengavi kukonkhomo iyo; viyo mukati mwa mazuŵa ghake usambasi ukamuthaŵanga, ndipo pa umari wake wakaŵanga bereŵeza.

Sumu 128:2

Mukarghanga vipasi vya nchitu ya manja ghinu; kukamuŵiyaninga umampha, ndipo mukakondwanga.

Jobu 20:15

Wameza usambasi, ndipo watiwuwukuwa so; Chiuta watiwutuzga kutuwa munthumbo yake.

Wakutaula 5:14

usambasi wo unguparghang'ika pakumuziya soka; ndipo pakupapa mwana, walivi kanthu mu janja lake.

Nthanthi 13:10

Ndi mutafu wambura kuphwere wachita ndeu, kweni ŵeniwo wazomera kuŵapanga fundu ndi zeru.

Nthanthi 13:12

Gomezgu lambura kufiskika litamiska mtima, kweni khumbu lakufiskika ndi muti waumoyo.

Nthanthi 21:6

Kusaniya mauromba ndi lilime la utesi ndi mvuchi wakuyingayinga ndi chiŵana cha nyifwa.