Nthanthi 12:28 - Tonga Bible 1986

²⁸ Mu nthowa ya urunji mwe umoyo, kweni nthowa ya kunanga yilongozge ku nyifwa.

Nthanthi 12:28 Referans Kwoze

3 Yohane 1:11

Wakwanjiwa we, ungezganga cha cho nchiheni, kwani cho nchamampha. Yo ngwakuchita umampha ngwa kwaku Chiuta: yo ngwakuchita uheni walive kumuona Chiuta.

ŴaRoma 5:21

alinga kuti, uli ndimo ulakwi wo unguwusiya ku nyifwa, viyo so wezi wo unguwusiya mu urunji ku umoyo wamuyaya mwaku Yesu Kristu Ambuyafwe.

Nthanthi 11:19

Mweniyo wakoreska mu urunji wakajanga wamoyo, kweni mweniyo wachimbiriya uheni wakafwanga.

1 Yohane 3:7

Mwatwana twangu, munthu wangamrandizgani kose cha: yo ngwakuchita urunji ndi murunji uli ndimo waliri murunji Yuwa.

1 Yohane 2:29

Po muziŵiya kuti ndi murunji, ziŵani kuti yose yo ngwakuchita urunji wapapika kwaku iyo.

Ezekiele 18:9

watenda mu virunguchizgu vyangu, ndipo ngwakuphwere ndi kusunga malangulu ghangu, ndi murunji, kwakuneneska wakaŵanga ndi umoyo, atiti Ambuya Chiuta.

Nthanthi 10:16

Mphoto ya wakurunjika yirongozge mu umoyo, chanduwu cha wa mphulupulu nkhu uheni.

Nthanthi 8:35

Pakuti mweniyo wasaniya ine wasaniya umoyo ndipo waronde mwaŵi wakutuwa ku Ambuya;

Marangu 30:15

“Awonani, ndaŵika paurongo pinu msana wale umoyo ndi umampha, ndi nyifwa ndi uheni.

Nthanthi 9:11

Pakuti mwaku ine mazuŵa ghako ghakandananga, ndipo virimika vikasazgikiyangako ku umoyo wako.

Marangu 32:46

wanguti kwaku wo, “Sungani mu mtima mazu ghose gho nditumulanguliyani msana wale, alinga kuti mughalanguliyenge ku ŵana ŵinu, kuti ŵaghaphwerenge, ndi kughachita mazu ghose gha dangu ili.

Yeremiya 21:8

“Ndipo ku ŵanthu yaŵa ukati: ‘Viyo atiti Ambuya: Ehe, ndiŵika paurongo pinu nthowa ya umoyo ndi nthowa ya nyifwa.

Marangu 30:19

Ndidanirizga kuchanya ndi charu chapasi kuchita ukaboni paku imwe msana wale, kuti ine ndiŵika paurongo pinu umoyo ndi nyifwa, thumbiko ndi thembo. Chifukwa cho sankhanipo umoyo alinga kuti imwe ndi mphapu zinu mujenge ŵamoyo,

Nthanthi 10:2

Vyumba vyakusakatika ndi mphulupulu kuti vitanduwa kanthu cha, kweni urunji utaska ku nyifwa.