Nthanthi 10:28 - Tonga Bible 1986

²⁸ Chigomezgu cha murunji chimaliya mu kukondwa, kweni cho wagomezga wamphurupuru chimaliya pa waka.

Nthanthi 10:28 Referans Kwoze

ŴaRoma 15:13

Ndipo Chiuta yo wa chigomekezgu wakuzazeni ndi chimwemwe chose ndi chimangu mu kuvwana, kuti musambasenge mu chigomekezgu, mu nthazi ya Mzimu Wakupaturika.

Jobu 8:13

Viyo ndimo ziliri nthowa zose zaku wo ŵareka kuziŵa Chiuta, chigomezgu cha munthu wambura kopa Chiuta chikamaranga.

Nthanthi 11:7

Asani wamphurupuru wafwa, gomezgu lake liwala, ndipo gomezgu la ŵambura uchiuta ligota pawaka.

2 ŴaTesalonika 2:16

Ndipo Ambuyafwe Yesu Kristu mweneko, ndi Chiuta Auskefwe, yo wangutanja ndi wangutipaska chisangurusku cha muyaya ndi chigomekezgu chamampha mu wezi,

ŴaRoma 12:12

Ŵakukondwa muchigomezgu; ŵakukunthiyapo mu suzgu; ŵakufwiririyapo mu kuromba,

ŴaRoma 5:2

mwaku mweniyo nayo taŵandikiyamo ndi chivwanu mu wezi uwu mwenimo tituma; ndipo titumbwiya mu chigomekezgu cha unkhankhu waku Chiuta.

Nthanthi 14:32

Wamphulupulu wathereskeka ndikuchita kwake kwa uheni, kweni marunji wasaniya chakubisamamo chifukwa cha ukongorekwa wake.

Sumu 112:10

Ŵaheni ŵatichiwona ichi ndipo ŵatimbanizgika; ŵakekechuwa minyu mu ukari ndi ŵawala; chingomezgu chawo charutiya limu muyaya.

Jobu 11:20

Kweni maso gha ŵaheni ghakatondekanga nthowa zose zakuphokwe zikasoŵanga kwaku iwo, ndipo chigomezgu chawo nchakuti ŵatute kwakumariya.”

Sumu 16:9

Pa chifukwacho mtima wangu ukondwa, ndipo mzimu wangu usekere; liŵavu langu nalo lija kwakufwasa.

Nthanthi 11:23

Kunweka kwamurunji kumaliya mu umampha pe, gomezgu la wa mphurupuru mu ukari.

Sumu 68:4

Mbiyani Chiuta, mbiyani unkhankhu ku zina lake; murongosoliyeni nthowa, iyo wakukwera pa mitambo. Zina lake ndi Ambuya kondwani paurongo pawo.

Nthanthi 29:6

Munthu wamphulupulu ngwakuthyika ndi utimbanizi wake, kweni munthu murunji watumba ndi wakondwa.