Nthanthi 10:21 - Tonga Bible 1986

²¹ Milomo ya ŵakurunjika yihiŵa ŵanandi, kweni ŵakupusa ŵafwiya kuwura chinjeru.

Nthanthi 10:21 Referans Kwoze

Hoseya 4:6

Ŵanthu ŵangu ŵanangika chifukwa chakuŵavi zeru, chifukwa mwapata zeru, ine nane nditukupata kuŵa mzukuru wangu. Chifukwa waruwa dangu laku Chiuta wako, nane ndiruwenge ŵana ŵako.

Nthanthi 17:16

Chifukwa nchine chakuti wakupusa waŵi ndi malonda mu janja lake kugula zeru, penipo walivi maghanughanu?

Mateyu 13:19

Wachivwa munthu mazu gho gha ufumu, ndipo kuti wawamo cha, watuza mheni yo, ndipo wapoka cho chamijika mu mtima wake. Iya ndiyo yingumijika mumphepete mu nthowa.

Nthanthi 1:29

Chifukwa ŵangutinkha zeru ndipo kuti ŵangusankha kopa Ambuya cha,

Nthanthi 15:4

Lilime lakuzika ndi muti wa umoyo, kweni kulandizga kwamukati mwake kunanga mzimu.

Nthanthi 5:23

Watufwa chifukwa chakuwulavi kuvwiya dangu, ndipo chifukwa cha kupusa kwake kukuru wasoŵa.

Nthanthi 5:12

ndipo mukakambanga, “Bama mo ndingutinkhiya kuvwiya, ndipo mtima wangu unguyeya kuchenjezga!

Nthanthi 1:31

chifukwa cho ŵakarghanga chipasi cha nthowa yawo ndi kuŵa ŵakuguta ndi fundu za ŵeneko.

Jobu 23:12

Ndilive kupatukako ku marangu ghatuŵa gha mumilomo yake, ndaronga mu chifuŵa changu mazu ghamu mlomo wake.

Yeremiya 15:16

Mazu ghinu ghangusanirika ndipo ndingughargha; mazu ghinu ghangundiŵiya likondwa ndi kuyereyeta mu mtima wangu; pakuti ndadanika ndi zina linu, Ambuya mwe, Chiuta wa maŵanja.

Nthanthi 12:18

Walipo mweniyo mazu ghake ngaruŵi ghe uli nkhulasa kwa lipanga, kweni lilime la wazeru lituza ndi kuchizga.

1 Petro 5:2

liskani muskambu waku Chiuta wo we mwinu, pakuulereze kwakupemberezgeka cha, kweni kwakukhumba, kwakuyana ndi kukhumba kwaku Chiuta; kwaupiripiri nako cha, kweni kwaphamphu;

ŴaRoma 1:28

Ndipo uli ndimo ŵangukaniya kuŵa ndi Chiuta mu mziŵiru wawo, Chiuta iyo wanguŵapereka ku chinjeru chauzereza kuchita vyamwikhu,

Yeremiya 3:15

“ ‘Ndipo ndikakupaskaninga ŵaliska ŵakundivwiya, ŵeniwo ŵakakuliskaninga mwa zeru ndi kuwamo.

Sumu 37:30

Mlomo wa wakurunjika ukamba zeru, lilime lake likamba cheruzgu.

Mateyu 12:35

Munthu wamampha kutuliya ku mbiku yake yamampha watuzga vyamampha: ndipo munthu muheni kutuliya ku mbiku yake yiheni watuzga viheni.

Nthanthi 6:32

Yo wachita ureŵi walivi chinjeru, yo watichichita ichi watijibwanthuwa mweneko.

Nthanthi 10:11

Mlomo wa murunji nchisima cha umoyo, kweni mulomo wa wamphulupulu ubisilizga ndeu;

Nthanthi 1:32

Pakuti ŵanamana ŵabayika ndi nthowa yawo yachiwerevuli, ndipo kujikhorwa kwaŵakupusa kutuŵananga ŵeneko;

Nthanthi 5:2

alinga kuti usungenge maghanaghanu gha zeru, ndi milomo yako yivikiriyenge chinjeru.

Nthanthi 15:7

Milomo ya wazeru yiwandiska chinjeru, ku miwongo ya wakupusa kuti kwe viyo cha.

Wakutaula 12:11

Kukamba kwa wazeru kwenge ndi mivwi yakurasa, mazu ghakusankhika gho ghakuperekeka ndi mliska yumoza ghe nge ndi mzumali yakukhomeka ndi nthazi.

Yesaya 5:13

Ndicho chifukwa ŵanthu ŵangu ŵaruta ku umkoli chifukwa chakusoŵa zeru; ŵanthu ŵawo ŵakuzirwa ŵatufwa ndi nja, ndipo ŵanandi ŵa ŵanthu ŵawo ŵatufwa chiparantha.