Nthanthi 10:17 - Tonga Bible 1986

¹⁷ Mweniyo waphwere kusambizga we munthowa yaku umoyo, kweni mweniyo wakana kususkika wapulukiya.

Nthanthi 10:17 Referans Kwoze

Nthanthi 6:23

Pakuti dangu ndi nyale mbukweru, ndipo kuchenjezga pakuvwiya ndi nthowa ya umoyo,

Luka 11:28

Kweni iyo wanguti, “Viŵiviŵi kwari mbamwaŵi wo mbakuvwa mazu ghaku Chiuta ndi mbakughachita.”

Nthanthi 15:10

Pe kulangika kuzitu kwaku yo wareka nthowa; mweniyo watinkha kuchenyeka wakafwanga.

Nthanthi 29:1

Mweniyo wasuskika kaŵikaŵi kweni wangangamika mbwenu khosi lake wakaswekanga kwamabuchibuchi wambura machizgika.

Nthanthi 5:12

ndipo mukakambanga, “Bama mo ndingutinkhiya kuvwiya, ndipo mtima wangu unguyeya kuchenjezga!

Nthanthi 3:18

Ndi muti wa umoyo kwaku ŵaniwo ŵatiwuko; ŵeniwo ŵatiukoleska ŵadanika kukondwa.

Wakutaula 5:6

Ungazomerezganga cha mlomo wako kukurongozge ku kwananga, ndipo ureke kurongoro pa maso pa muthenga kuti kwenga kubuda; wakalipiyengenji Chiuta pa mazu ghako, ndi kuparghang'a nchitu za manja ghako?

Nthanthi 12:1

We yose wakwanja kuvwiya watanja chinjeru, kweni mweniyo watinkha kuchenjezgeka ndi bereŵeza.

Nthanthi 4:13

Koreska chisambizgu, kutaya cha; uchivikiriye, pakuti ndicho umoyo wako.

ŴaHebere 12:25

Lereni vinu mungamkana mweniyo wakamba namwe. Chifukwa asani ŵa ŵengavi kupozomoka pakukana kuvwiya mweniyo wanguŵachenjezga panupasi, ukongwa viŵi kuti tikapozomokanga cha ifwe taŵakugaruka ku kwaku mweniyo wachenjezga kuchanya.

Nthanthi 4:4

ada ŵangundisambizga, ndipo ŵanguti kwaku ine, “Uchite kuti mtima wako ukoreske mazu ghangu; sunga marangu ghangu, ndi uje wamoyo;

Nthanthi 1:30

ŵangukana kuronda nanga njimoza ya fundu zangu, ndipo ŵanguyuyuwa chenjezgu langu,

2 Mikoka 25:16

Kweni weche kukamba, karonga wanguti kwaku iyo, “Kumbi takumika kuŵa mpangi-fundu wa karonga? Chetama! Vinu ungabayika?” Viyo mchimi wanguchetama, kweni wanguti, “Ndaziŵa kuti Chiuta wadumuwa kukubaya chifukwa wachita ichi ndipo kuti wavwiya fundu yangu cha.”

ŴaHebere 2:1

Chifukwa chenichi kutenere kwakuruska kuphwere vyo vinguvwika, vinu tingadeukako.

Ŵeruzgi 19:17

Ndipo wanguwona mlendo pa luluwa la msumba, doda ili linguti, “Mutapani? Ndipo mutuliya pani?”

Nthanthi 5:14

Ine ndenga pa khomo la pharghaniku likuru, mu mpingu wakuwungana pamoza.”

Nthanthi 15:32

Mweniyo wakana kusambizgika watijiyuyuwa; kweni mweniyo waphwere kuchenyeka wasaniya kuwamo.