Nthanthi 1:28 - Tonga Bible 1986

²⁸ Pa nyengo yo ŵakadananga kwaku ine; kweni kuti ndamukenge cha: ŵakandipenjanga kwarwana kweni kuti ŵakandibowozganga cha.

Nthanthi 1:28 Referans Kwoze

Mika 3:4

Viyo ŵakaliyanga ku Ambuya, kweni kuti amukenge cha; akabisanga chisku chawo kwaku iwopa nyengo yiya, chifukwa nchitu zawo ŵazisanduska kuŵa ziheni.

Yakobe 4:3

Mupempha, ndipo kuti muronde cha, chifukwa kuti mupempha uheni, alinga kuti muvimariye pa malikondwa ghinu.

Zekariya 7:13

“Nge ndimo ine ndingukambiya ndipo kuti ŵanguvwa cha, viyo ŵangudanirizga kweni kuti ndinguvwa cha,” atiti Ambuya ŵa maŵanja.

Yeremiya 11:11

Chifukwa cho atiti Ambuya, Ehe, ine nditole uheni paku iwo, weniwo kuti angaziŵa kuwuthaŵa cha; chingana ŵangandiliriya, kuti ndikaŵategherezganga cha.

Yesaya 1:15

Muchitambaruwa manja ghinu, ndikabisanga maso ghangu kwinu, inya chingana mungachita marombu ghanandi, kuti nditegherezgenge cha, manja ghinu ghazara ndi ndopa.

Jobu 27:9

Kumbi Chiuta wakavwanga kuriya kwake. Penipo masuzgu ghatuza paku iyo?

Yeremiya 14:12

Chingana ŵangafunga, kuti ndikavwanga kuliya kwawo cha, ndipo chingana ŵangapereka mpasku wakocha ndi mpasku wa ufwa, kuti ndivirondiyenge cha; kweni ndikaŵamaranga ndi lipanga, ndi chilala, ndi chideru.”

Sumu 18:41

Ŵanguliriya chovyo, kweni kwengavi wakutaska, ŵangubongore ku Ambuya, kweni kuti anguŵamuka cha.

Ezekiele 8:18

Muchifukwa ichi ndikachitanga mwa ukari; jiso langu kuti likasiyangapo cha, nanga nkhuchita chitima; ndipo nanga ŵaliya mu makutu ghangu ndi kubangura kukuru, kuti ndikaŵavwanga cha.”

Jobu 35:12

Kwenikuwa viriya kweni kuti wativimuka cha, chifukwa chakujikuzga kwa ŵanthu ŵaheni.

1 Samuele 8:18

Ndipo mu zuŵa liya mwazamuliya chifukwa cha karonga winu, mweniyo mwasankha mwaŵeni; zuŵa liya kuti mwazamukuvwa kwamuka kwa Ambuya cha.”

Nthanthi 8:17

Nditanja ŵeniwo ŵatindanja, wo ŵatindipenja kwarwana ŵatindisaniya.

Chiyambo 6:3

Sono Ambuya anguti, “Mzimu wanguti kuti ukajanga mu munthu cha muyaya, pakuti iyo ndi nyama; mazuŵa ghake ghakaŵanga virimika machumi pe chumi, pachanya machumi ghaŵi (120).”

Hoseya 5:15

Ndiwerenge so ku malo ghangu, mpaka ŵazomere kwananga kwawo, ndipo ŵapenge chisku changu. Ndipo mu suzgu yawo ŵatindipenja, ŵatiti,

Sumu 66:18

Asani ndiŵenge wakuphwere viheni vyangu mukati mu mtima, mphanyi Ambuya kuti angundivwa cha.

Nthanthi 15:29

Ambuya ŵe kutali ku wamphulupulu, kweni ŵatuvwa rombu la marunji.

Sumu ya Zisumu 5:6

Ndingumujuriyako nkhwanjiwa wangu, kweni nkhwanjiwa wangu wangutuwapo wanguruta. Nthazi za mzimu wangu zingugururuka wachirongoro. Ndingumupenja, kweni ndengavi kumusaniya; ndingumudana, kweni kuti wangumuka cha.

Hoseya 5:6

Ŵarutenge kupenja Ambuya ndi mskambu wa mberere, ndi mpingu wa ng'ombe zawo, kweni kuti aŵasaniyenge cha; apatukako kwaku iwe.

Marangu 1:45

Ndipo munguweko ndikuliya pa maso gha Ambuya, kweni kuti anguvwa mazu ghinu cha, chingana nkhutegherezgako kwaku imwe.

Sumu 18:42

Ndinguŵathibuska nge ndifuvu paurongo pa mphepo; ndinguŵataya nge mburambwi wamu ŵagurwi.

Amosi 8:12

Ŵakayinganga kutuwa ku nyanja mpaka ku nyanja yinyake, kutuwa ku nkhonde mpaka ku vuma; ŵakachimbiyanga uku ndi uku, kupenja mazu gha Ambuya, kweni kuti ŵakaghasaniyanga cha.