Nehemiya 9:5 - Tonga Bible 1986

⁵ Sono ŵaLevi, Yeshua, Kadmieli, Bani, Hashubaniya, Kerebiya, Hodiya, Shebaniya, ndi Pehahiya, ŵanguti, “Imani ndi tumbikani Ambuya Chiuta winu kutuwa ku muyaya kuya ku muyaya. Ndakutumbikika zina linu la unkhankhu lenilo ndakukuzgika pachanya pa thumbiku lose ndi rumbu.”

Nehemiya 9:5 Referans Kwoze

1 Petro 1:3

Warumbike Chiuta wiske wa Mbuyafwe Yesu Kristu, mweniyo kwakuyana ndi unandi wa lisungu lake wangutipapiya so ku chigomekezgu chamoyo mu chiyuka chaku Yesu Kristu ku ŵakufwa,

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

Mateyu 11:25

Pa nyengo yeniyo, Yesu wanguti, “Ndikuwongani, Ada, mweni kuchanya ndi pasi, kuti munguvibisa ivi ku ŵazeru ndi ŵakuwamo, ndipo munguvivumbuliya ku ŵamjedu.

Ezra 3:11

ŵambanga ndi kurondiyana, kumutumbika ndi kumuwonga Chiuta, “Chifukwa ngwamampha, wakwanja ŵaYisraele kwa muyaya.” Ndipo ŵanthu wose ŵakamburanga ndi chiwawa chikuru, ŵachitumbika Chiuta chifukwa chiŵanja cha nyumba yaku Chiuta chinguzengeka.

1 Mikoka 29:13

Ndipo sono Chiuta widu timuwongane ndi kukankhuska zina linu lakutumbikika.

Sumu 146:2

Ndirumbenge Ambuya ndichiŵa wamoyo; mu umoyo wangu wose ndimbiyenge Chiuta wangu.

Sumu 145:5

Ine ndirungurukenge vya unkhankhu ndi ukaronga winu, ndi nchitu zinu zakuziziswa.

Sumu 145:2

Ndiwongenge imwe zuŵa ndi zuŵa; ndimurumbeninga muyaya ndimuyaya.

Sumu 134:1

Zaninga, rumbani Ambuya, mose mwa ŵateŵeti ŵawo, mose imwe mutuma mu nyumba ya Ambuya ndi usiku!

Sumu 106:2

Njani wangakamba vya nchitu zikuru za Ambuya, njani yo wangaziŵa kuŵarumba kwakufikapo?

Sumu 16:2

Ku Ambuya ndititi, “Imwe ndimwe Ambuya; pade paku imwe ndilivi kamampha.”

2 Mikoka 20:19

Ndipo ŵaLevi, ŵa ŵana ŵaku Kohati ndi ŵaku Kora, ŵangusoka kutumbika Ambuya, Chiuta waku Yisraele ndi mazu ghakuru ukongwa.

2 Mikoka 20:13

Ndipo Yuda yose wanguma paurongo paku Chiuta, ndi ŵamjedu ŵawo, ndi ŵawoli ŵawo, ndi ŵana ŵawo.

1 Mikoka 29:20

Viyo Davidi wanguti ku wumba wose, “Atumbikeni sono Ambuya Chiuta winu,” ndipo wumba wose wunguŵatumbika Ambuya, Chiuta wa auskeu, ndi ŵangukotama pasi mitu yawo, ndi ŵanguŵalambiya Ambuya, ndi kujikamiya pasi karonga.

1 Mikoka 29:11

Ukuru ngwinu, Ambuya, ndi nthazi ndi upundi, ndi unkhankhu chifukwa vyose vya kuchanya ndi vya pasi vinu; ufumu ngwinu, Ambuya, ndipo mwakwezgeka nge ndi mutu pachanya paku vyose.

1 ŴaKaronga 8:27

“Kweni kumbi nadi Chiuta wakajanga pa charu chapasi? Ehe, kuchanya weniukongwa kuti kuziŵa kumuyanani imwe cha, na uli ukongwako ndi umana wa nyumba iyi yo ndazenga!

1 ŴaKaronga 8:22

Sono Solomoni wanguma paurongo pa chiguŵa cha Ambuya pa maso gha umba wose wa ŵaYisraele, ndipo wangutambaruliya kuchanya manja ghake,

1 ŴaKaronga 8:14

Sono karonga wangulereska uku ndi uku, ndipo wangutumbika umba wose wa ŵaYisraele, panyengo yo umba wose unguma phorokotu.

Marangu 28:58

“Asani mukaŵanga ŵambura kuphwere kuchita mazu ghose gha dangu ili ghenigho ghakulembeka mu buku ili, kuti mopenge zina la unkhankhu ndi lakofya, Ambuya Chiuta winu,

Chituwa 15:11

“Njani yo we nge ndimwe, Ambuya mwe, mukati mu ŵachiuta? Njani yo we nge ndimwe, wakutumphulika mu utuŵa, wakofya pakuchita unkhankhu, wakuchita vyakuziziswa?

Chituwa 15:6

Janja linu lakurghiya, Ambuya mwe, lakutumbwa mu nthazi, janja linu lakurghiya liphwanya ŵamawongo, Ambuya mwe.

1 ŴaKaronga 8:15

Ndipo wanguti, “Atumbikike Ambuya, Chiuta waku Yisraele, mweniyo ndi janja lake wafiska cho wangupangana ndi mlomo wake kwaku Davidi ada, wanguti,

Nehemiya 9:4

Pa viguŵa vya ŵaLevi panguma Yeshua, Bani, Kadmieli, Shabania, Buni, Sherebiya, Bani ndi Chenani, ndipo ŵanguliya kwakubongo ku Ambuya Chiuta wawo.

Nehemiya 9:6

Ndipo Ezra wanguti, “Ndimwe Ambuya, imwe pe mwija, ndimwe mukulenga kuchanya, kuchanya kwa machanya, ndi maliŵanja ghawo ghose, charu chapasi ndi vyose vyenivyo vilipo zinyanja ndi vyose vya mwaku zo ndi liŵanja la kuchanya litukusopani imwe.

Ŵeruzgi 13:18

Mungelo wanguti kwaku iyo, “Chifukwa chine ufumba zina langu, pakuwona kuti nchakuziziswa?”

1 Mikoka 16:36

Ŵatumbikike Ambuya, Chiuta waku Yisraele, muyaya ndi muyaya!” Ndipo ŵanthu wose ŵanguti, “Ameni!” ndi ŵangutumbika Ambuya.

Jobu 1:21

Wanguti, “Ndinguza wankhuli kutuwa mu nthumbo ya ama ndipo wankhuli nkhawenga, Ambuya angundipaska, ndipo Ambuya alonda, litumbikike zina la Ambuya.”

Sumu 66:2

Mbiyani ku unkhankhu wa zina lake; perekani kwaku iyo unkhankhu wa rumbu!

Sumu 99:3

Ŵarumba zina linu likuru ndi lakofya! Wakupaturika ndiyo!

Danyele 2:20

Danyele wanguti: “Lithamikike zina laku Chiuta muyaya ndi muyaya, chifukwa zeru ndi nthazi vyake.