Nehemiya 9:38 - Tonga Bible 1986

³⁸ Chifukwa chaku ivi vyose tichita phanganu lakukho ndi kulilemba ndi ŵanangwa ŵidu, ŵaLevi ŵidu ndi ŵazukuru ŵidu, tiŵikapo chizighiriyo paku lo.

Nehemiya 9:38 Referans Kwoze

Nehemiya 10:1

Ŵeniwo ŵanguŵikapo chizighiriyo chawo ndi Nehemiya mweruzgi mura, mwana munthurumi waku Hakaliya, Zedekiya,

Nehemiya 10:29

ŵasere kuŵa pamoza ndi ŵabali ŵawo, ŵaraŵara ŵawo ndipo ŵasere muthembu ndi rapu kwachenda mu dangu laku Chiuta lenilo lingupaskika ndi Mosese mteŵeti waku Chiuta, kuphwere kuchita malamulu gha Ambuya widu ndi malangulu ghake ndi vyeruzgu vyake.

Ezra 10:3

Viyo sono tiyeni tichite phanganu ndi Chiuta widu, kureka ŵanthukazi wose ndi wo ŵapapika mwawo, kulingana ndi fundu ya mbuya wangu, ndi yaku wose wo ŵatenthema pa dangu laku Chiuta widu, ndipo tichite kuyana ndi dangu.

2 Mikoka 34:31

Karonga wanguma mu malo ghake, wanguchita chipanganu paurongo pa Ambuya kurondo Ambuya ndi kusunga marangu ghawo ndi visimisimi vyawo ndi vilayizgu vyawo ndi mtima wake wose ndi mzimu wake wose, kufiska mazu gha phanganu gho ghakulembeka mu buku ili.

2 Mikoka 29:10

Sono ichi che mu mtima wangu kuchita phanganu ndi Ambuya, Chiuta, waku Yisraele, kuti ukari wake wakofya utuwepo paku ifwe.

2 Mikoka 23:16

Ndipo Yehoyada wanguchita phanganu pakati pake ndi ŵanthu wose, ndi pakati pa karonga, kuti ŵaŵenge ŵanthu ŵaku Chiuta.

2 ŴaKaronga 23:3

Karonga wanguma pafupi ndi mzati ndipo wangupangana paurongo pa Ambuya, kwenda mu nthowa ya Ambuya ndi kusunga marangu ghawo visimisimi vyawo ndiveruzgu vyawo, ndi mtima wake wose ndi ndi mzimu wake wose, kuchita kwakulingana ndi mazu gha phanganu lo lingulembeka mu buku ili, ndipo ŵanthu wose ŵanguseremo nawo mu phanganu lo.

Mateyu 27:66

Ndipo ŵanguruta, ŵangukhozga muunda ŵakuuzighiriya mwa, ndipo ŵanguŵikako ŵaronda.

Yesaya 44:5

Uyu wakambanga, ‘Nde wa Ambuya,’ munyake wakajidananga ndi zina laku Yakobe, ndi munyake wakalembanga pa janja lake, ‘Wa Ambuya,’ ndi kujipaska chiwongo cha zina laku Yisraele.”