Nehemiya 9:37 - Tonga Bible 1986

³⁷ Ndipo vipasi vyake vyakuzala viruta ku ŵakaronga wo mukumika paku ifwe chifukwa cha vilakwa vidu; ŵendi mazaza so pa maliŵavu ghidu ndi pa ng'ombe zidu mo ŵakhumbiya, ndipo temu suzgu yikuru.”

Nehemiya 9:37 Referans Kwoze

Marangu 28:33

Mtundu wo mulivi kuziŵa ukarghanga vipasi vya nyata yinu ndi vya kutakataka kwinu kose. Ndipo mukazitiskikanga ndi kuphwanyika rutaruta;

Marangu 28:48

chifukwa ichi mukatewetiyanga ŵamawongo ŵinu ŵeniwo Ambuya akatumanga kurwana namwe, mu nja, mu nyota, mu ukavu, ndi mu usauchi wa vinthu vyose; akaŵikanga goli la chisulo mu khosi linu, mpaka penipo amuparghang'ani.

Ezra 7:24

Ndipo so timuziŵiskani kuti ŵazukuru ndi ŵaLevi, ndi ŵakumba, ndi ŵalinda malikomo, ndi ŵateŵeti ŵa kasopi, ndi ŵanchitu ŵake ŵanyake kuti kuzomerezgeke cha kuŵasonkheska msonkho, pamwenga mthulu, pamwenga msonkho wa miseu.

Yohane 8:33

Wangumwamuka, “Te mbeu yaku Abrahamu, ndipo kali kose kuti taŵa ŵaŵanda ku yumoza cha: ukamba uli iwe, ‘Muŵenge ŵanangwa?’ ”

Nehemiya 5:8

ndipo ndinguti kwaku wo, “Ifwe uli ndi penipo taŵiya ndi mwaŵi, tawezga ŵabali ŵidu ŵaYuda wo ŵanguguliskika ku mitundu kweni imwe so musaska ŵabali ŵinu kuti ŵaguliskike kwaku ifwe.” Ŵanguja chisisi, ŵengavi kuwona kakukambapo.

Ezra 6:8

Ndipo so ndi mika langulu laku vyo mukachitanga ku ŵara yaŵa ŵa ŵaYuda pakuzenga nyumba iyi yaku Chiuta. Lipani ŵanchitu wose, mutoko chuma cha karonga mupaske ŵanthu yaŵa, cha mthulu waku sirgha la msinji mwakuti ŵareke kuswereskeka.

Ezra 4:13

Kuziŵike sono ku karonga, kuti, asani muzi uwu wazengeka ndi malinga nagho ghazengeka, kuti ŵaperekenge msonkho cha, chingana ndi mthulu, chingana ndi msonkho wa maronda, uku ndiku kuti usambasi wa karonga wanangika.

Marangu 28:51

ndipo ukarghanga ŵana ŵa ng'ombe zinu, ndi vipasi vya charu chinu, mpaka penipo mwaparghanika; weniwo kuti ukamusiyaninga kurgha, vinyu, mafuta, mwandanu wa ng'ombe zinu, pamwenga ŵana ŵa mberere zinu cha mpaka penipo wamuparghanani.

Marangu 28:39

Mukapandanga minda ya mphereska ndi kuyirimiriya, kweni kuti mukamwanga cha vinyo wake, nanga nkhupontho vipasi, pakuti vikarghikanga ndi viwungu.

ŴaLevi 26:17

Ndikapindikananga namwe, ndipo mukapumikanga paurongo pa ŵamawongo ŵinu; ŵanthu ŵakumutinkhani ndiwo ŵakakuwusaninga, inya mwazamuthaŵa ndi penipo palivi wakumudikiskani.

Chitenje 5:5

Tidikiskika ukongwa ndi gori pa makhosi ghidu tavuka tilivi kupumuzgika.