Nehemiya 9:32 - Tonga Bible 1986

³² “Viyo na Chiuta widu, mukuru ndi wakulimba ndi Chiuta wakofya, mweniyo wasunga phanganu ndi chifundu chikuru, maunonono ghose ghangawonekanga uli ngamana cha kwinu gho ghatiziya ifwe; ghaziya ŵakaronga ŵidu ŵanangwa ŵidu, ŵazukuru ŵidu, ŵamchimi ŵidu, auskefwe, ndi ŵanthu ŵinu wose, kwamba nyengo ya ŵakaronga ŵa Asiriya kufika msana wale.

Nehemiya 9:32 Referans Kwoze

Nehemiya 1:5

Ndipo ndinguti, “Ambuya Chiuta wa kuchanya, Chiuta mukuru ndi wakofya mweniyo wasunga phanganu ndi chanju chizirima ndi wo ŵatumwanja ndi kusunga marangu ghake;

Marangu 7:9

Viyo ziŵani kuti Ambuya Chiuta winu ndi Chiuta wamagomekezgeka, yo wasunga phanganu ndi lisungu ndi ŵeniwo ŵatumwanja, ndi ŵasunga marangu ghake, kufika ku mwandano wa chikwi (1,000).

Danyele 9:8

Kwaku ifwe, Ambuya, ndi soni pa visku, ku ŵakaronga ŵidu, ku nduna zidu, ndi ku auskefwe, chifukwa tamunangiyani imwe.

Danyele 9:4

Ndinguromba kwa Mbuya Chiuta wangu, ndi kuzomera kuti, “Ambuya Chiuta mkuru, ndi wakofya, wakusunga phanganu ndi lisungu kwaku wo ŵatumwanja ndi ŵasunga marangu ghake;

Danyele 9:6

taŵavwiya cha ŵateŵeti ŵinu ŵamchimi, wo ŵangukamba muzina linu ku ŵakaronga ŵidu, zinduna zidu, auskefwe, ndi ku ŵanthu wose ŵa mu charu.

Sumu 66:5

Zaninga ndi muwone vyo Chiuta wachita: nchitu zake mukati mu ŵanthu zakuziziswa.

Sumu 66:3

Nenani kwaku Chiuta, “Zakuziziswa nchitu zinu! Nthazi zinu zikuru ukongwa, reka ŵarwani ŵinu ŵakotama ndi chitenthe paurongo pinu.

Sumu 47:2

Pakuti Ambuya, Apachanya limu, mbakofya, ndi karonga mukuru pa charu chose chapasi.

Ezra 9:13

Ndipo vyose ivi vyatiŵiya chifukwa cha nchitu zidu ziheni ndi chifukwa cha ulakwi widu ukuru, pakuwona kuti imwe Chiuta widu kuti mwatilanga ukongwa cha kwakuyana ndi kunanga kwidu kukuru, ndipo so mwatipaska uŵapo ukuru nge ndi uwu,

2 ŴaKaronga 25:7

Ŵangubaya ŵana ŵaku Zedekiya paurongo pake, iyo mweneko ŵangumukolowo maso, ndi kumumanga mu matangaja wanguya nayo ku Babiloni.

2 ŴaKaronga 23:29

Mu mazuŵa ghaku Farao-Neko karonga wa Egipiti wangukwere ku Karonga wa Asiriya ku msinji Efrate. Karonga Josiya wanguruta kwachikumana nayo, ndipo Farao-Neko wangumubayiya pa Megido, wati wamuwona.

2 ŴaKaronga 17:3

Shalmanezara karonga wa Asiriya, wanguza kulimbana nayo; ndipo Hosheya wanguŵa nduna yake ya charu, ndipo wangupereka msonkho.

2 ŴaKaronga 15:29

Mu mazuŵa ghaku Peka karonga waku Yisraele Tiglatipileseri karonga wa Asiriya wanguza ndi wangukwamphuwa Ijoni, Abelbebmaka, Janowa, Kedeshi, Hazoro, Gileada, ndi Galileya, charu chose chaku Naftali, ndipo wanguyola ŵanthu umkoli ku Asiriya.

2 ŴaKaronga 15:19

Puli karonga wa Asiriya wanguza kuzachirwa ndi charu cho, ndipo Menahemu wangupaska Puli matalente gha siliva chikwi chimoza, alinga kuti wamovye kukhozga kuŵa ndi nthazi ya ukaronga.

1 ŴaKaronga 8:23

ndi wanguti, “Ambuya mwe, Chiuta waku Yisraele, kulivi Chiuta wakukozgana ndi imwe, kuchanya ko pamwenga pasi pa charu wakusunga phanganu ndi kurongo chifundu ku ŵaŵanda ŵinu wo ŵatenda paurongo pinu ndi mtima wawu wose,

Marangu 7:21

Mungaŵawopanga pakuti Ambuya Chiuta winu we mukati mwinu, Chiuta wanthazi ndi wakofya.

ŴaLevi 26:28

iku ine nane ndikayendanga kwakupambana namwe ndi ukari, ndimulangeninge ndamweni kuwerezgapo kankhonde ndi kaŵi chifukwa cha maulakwi ghinu.

ŴaLevi 26:24

iku ine nane nkhayendanga kwakupambana namwe, ndipo ine ndamweni ndikamupumaninga kuwerezgapo so kankhonde ndi kaŵi, chifukwa cha maulakwi ghinu.

ŴaLevi 26:21

“Viyo asani mwendenge kwakupambana nane, ndipo kuti mukandivwiyanga cha, ndikatolenga videru vinyake paku imwe kusazgapo kankhonde ndi kaŵi kuruska unandi wa maulakwi ghinu.

ŴaLevi 26:18

Ndipo asani mutondeka kundivwiya mwaku vyose ivi Ine ndikamulanganinga so kuwerezgapo kankhonde ndi kaŵi, chifukwa cha maulakwi ghinu.

Chituwa 18:8

Sono Mosese wangukonkhome msibweni wake vyose vyenivyo Ambuya anguchita kwaku Farao ndi ku ŵaEgipiti chifukwa chaku Yisraele, maunonono ghose gho ghanguŵawiya mu nthowa, ndimo Ambuya anguŵaposomoske.

Ezra 4:2

Viyo ŵanguza kwaku Zerubabele ndi ku ŵara ŵa auskeu, ŵanguti, “Tizengenge namwe; chifukwa ifwe nafwe tipenja Chiuta winu nge ndimwe. Tamubayiyanga sembe kwamba mu mazuŵa ghaku Esaradoni karonga wa Asiriya yo wangutituma kunu.”

Ezra 4:10

ndipo so ndi ŵamitundu wo karonga Osonapara wanguserezga mu mizi ya Samaria ndi mu vigaŵa vinyake sirgha liya la msinji.

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Marangu 7:12

“Ndipo chifukwa mwamuvwiya vyeruzgu vyo ndi kuvisunga, Ambuya Chiuta winu wakasunganga kwaku imwe phanganu ndi lisungu lenilo wangurapa kwa auskemwe.

Marangu 7:13

Wakwanjeninge ndi kumutumbikani ndi kukwandaniskani. Ndiso watumbikenge ŵana ŵinu, vipasi vya mu minda yinu, trigu winu, vinyo winu, ndi mafuta ghinu, kwandana kwa ng'ombe zinu, ndi ŵana ŵa mberere zinu, mu charu cho wangurapa ku auskemwe kukupaskani.

2 ŴaKaronga 17:6

Mu chirimika cha chinkhonde ndi vinayi chaku Hosheya karonga yo wa Asiriya wangupoka Samaria, ndi wanguyora ŵaYisraele kuyanawo ku Asiriya, wanguŵaŵika mu Hala, ndi pa Haboro, msinji waku Gozani, ndi msumba ya Dedisi.

2 ŴaKaronga 17:23

mpaka, penipo Ambuya angumutuzgako Yisraele ku maso ghawo, nge ndimo angurongolere mu ŵateŵeti ŵawo wose ŵamchimi. Viyo Yisraele wangutuzgikamo mu charu chapa mtima wawo kuya ku Asiriya mpaka zuŵa lino.