Nehemiya 9:31 - Tonga Bible 1986

³¹ Ndipuuli mu malisungu ghinu ghakuru kuti mungumarana nawo cha pamwenga kuŵajowo; pakuti mwe Chiuta wawezi ndi walisungu.

Nehemiya 9:31 Referans Kwoze

Yeremiya 4:27

Pakuti viyo atiti Ambuya, “Charu chose, chikaŵanga mapopa, kweni kuti ndikamaranga vyose cha.

Nehemiya 9:17

ŵangukana kuvwiya, ndipo kuti ŵangughanaghanako cha vya minthondwi vyo munguchita mwawo; kweni ŵangungangamiska khosi lawo ndi ŵangumika murongozgi kuti ŵaweriyenge ku uŵanda wawo mu Egipiti. Kweni imwe mwe Chiuta yo we muchanya kale kugowoke, wa wezi ndi walisungu, mwambura kukala ruŵi ndi wakuzala chifundu, ndipo kuti munguŵajowo cha.

Chitenje 3:22

Chifundu cha Ambuya kuti chimera cha, malisungu ghawo kuti ghagota cha;

Yeremiya 5:18

“Kweni chingana ndi mu mazuŵa gho, atiti Ambuya kuti ndikafiskanga umari wakufikapo paku iwe cha.

Yeremiya 5:10

“Ukwere ukaporoti mu mizere yake ya mphereska ndi ukaparghang'e, kweni kwachimarizgiya limu cha; katuzgemo mphanda zake pakuti kuti za Ambuya cha.

Danyele 9:9

Ku Ambuya Chiuta widu, kwe lisungu ndi chigowoke; chifukwa tamunangiya,

2 Mikoka 30:9

Chifukwa asani mu were ku Ambuya, ŵabali ŵinu, ndi ŵana ŵinu ŵasaniyenge lisungu kwaku wo ŵakuŵako umkoli, ndi ŵakaweriyanga ku charu ichi. Chifukwa Ambuya Chiuta winu ngwalisungu ndi ngwaulemu, ndipo kuti wakang'anamuliyanga chisku chake kunyake kutuwako kwaku imwe cha, asani imwe muwere.”

2 ŴaKaronga 13:23

Kweni Ambuya ŵenga ŵa wezi kwaku wo, ŵenga nawo ndi chifundu, ndipo angung'anamukiya kuchiri kwawo, chifukwa cha phanganu ndi Abrahamu, Yisaki ndi Yakobe, ndipo kuti angukhumba kuŵaphwanya cha, chingana akuŵadika pa maso pawo mpaka ku zuŵa lino.

Marangu 4:31

Pakuti Ambuya Chiuta winu ndi Chiuta walisungu, kuti wakurekeninge cha, pamwenga kumupasuwani, pamwenga chingana nkhuruwa phanganu ndi auskemwe lenilo wanguŵarapiya.

Nehemiya 9:19

imwe mu malisungu ghinu ghakuru kuti munguŵajowo cha mu bozwa; mzati wa mtambo weniwo unguŵarongozga mu nthowa wengavi kutuwako kwaku wo ndi msana, nanga ndi mzati wa moto ndi usiku weniwo unguŵambulikiya nthowa yakuti ŵendengemo.

Yesaya 48:9

“Chifukwa cha zina langu ndilekezga danga ukari wangu, chifukwa cha rumbu langu, nditiumikiya imwe, kuti ndileke ku kudumuwaniko.