Nehemiya 8:8 - Tonga Bible 1986

⁸ Ndipo ŵanguŵerenga khwerukhweru mu buku lo vya mu dangu laku Chiuta, ndipo ŵanguŵabanuwa chinjeru viyo kuti ŵanthu ŵanguwamo vyo vinguŵerengeka.

Nehemiya 8:8 Referans Kwoze

Machitidu gha Ŵakutumika 28:23

Ndipo ŵanguti ŵamteme zuŵa, ŵanguza kwake mu chitandara chake ŵanandi; kwaku wo wangupatauliya makani gho, wakusimikizga ufumu wo waku Chiuta, ndi wakuŵakope vyapaku Yesu, vyakutuwa ku langulu laku Mosese ndi ku ŵamchimi kwanda ku mlenji mpaka ku mazuro.

Luka 24:45

Sono wangubanuwa chinjeru chawo kuwamo mu malembo gho;

Luka 24:32

Ndipo ŵangunenerana, “Asi mtima widu wakolenga mwidu, po wakambiyanga nafwe mu nthowa, po wabanuliyanga ifwe malembo gho?”

Luka 24:27

Ndipo pakwandiya paku Mosese ndi paku wose ŵamchimi wo, wanguŵang'anamuliya mu malembo ghose vyo vyapaku iyo yija.

Habakuku 2:2

Ndipo Ambuya angundamuka anguti: “Lemba chiwona, malembo ghawonekenge pa vipapate, mwakuti yo waŵerengapo wendepo ruŵi.

Ezra 4:18

Kalata yo mungutuma waŵerengeka umampha paurongo pangu.

Nehemiya 8:7

Ndipo Yeshua, Bani, Sherebiya, Jamini, Akubu, Shabatai, Hodiya, Maseya, Kelita, Azariya, Yozabadi, Hanani, Pelaya, ŵaLevi, ŵangovya ŵanthu kuwamo dangu, penipo ŵenga ŵeche mu malo ghawo.

Nehemiya 8:9

Ndipo Nehemiya yo wenga mweruzgi mura, ndi Ezra mzukuru ndi mlembi, ndi ŵaLevi ŵeniwo ŵangurunguchizga ŵanthu, ŵanguti ku ŵanthu wose, “Zuŵa ndakupaturika ku Ambuya Chiuta winu; mungatenjenga chingana nkhuliya cha.” Pakuti ŵanthu wose ŵaliyanga ŵanguti ŵavwa mazu gha dangu lo.

Nehemiya 8:12

Ndipo ŵanthu ŵanguruta kwawo kwachirgha ndi kumwa ndi kwachituma vinyake ndi kwachichita chimwemwe chikuru, pakuti ŵanguwamo mazu gho ghangutaulika kwaku iwo.

2 ŴaKaronga 23:2

Ndipo karonga wangukwere ku nyumba ya Ambuya, ndipo pamoza nayo ŵanthu wose ŵaku Yuda ndi wose ŵakuja mu Yerusalemu, ŵazukuru ndi ŵamchimi, ŵanthu wose, ŵamana ndi ŵara; ndipo ŵanguvwa kuŵerenga kwa mazu ghose gha buku laphanganu lo lingusanirika mu nyumba ya Ambuya.

Nehemiya 9:3

Ndipo ŵanguma mu malo ghawo ndi ŵanguŵerenga mu buku la dangu la Ambuya Chiuta wawo chigaŵa chimoza cha vinayi pa zuŵa; pa chigaŵa chinyake cha vinayi vyo ŵanguzomera ndi kusopa Ambuya Chiuta wawo.

Ezekiele 46:10

Ŵachisere, karonga wakaserenga pamoza nawo; ŵachituwa, nayo wakatuwanga.