Nehemiya 6:9 - Tonga Bible 1986

⁹ Pakuti wose ŵakhumbanga kutofya ifwe ŵakughanaghana kuti, “Manja ghawo ghakajowonga nchitu yo, ndipo kuti yikachitikanga so cha.” Kweni sono, A Chiuta, mulimbiske manja ghangu.

Nehemiya 6:9 Referans Kwoze

Sumu 138:3

Mungundamuka po ndingudana kwaku imwe; ndi nthazi yinu mungundikambiska.

1 Petro 5:10

Ndipo Chiuta wa wezi wose, mweniyo wangumdaniyani ku unkhankhu wake wamuyaya mwaku Kristu Yesu, mwati mwakomwapo kamanavi, mwenecho wafiskenge, wakhozgenge, wakhomeskenge imwe.

ŴaHebere 12:12

Viyo na nyoroskani manja gho ngakurakatuka, ndi makongonu gho ngakuziririka.

ŴaFilipi 4:13

Ndiziŵa kuchitiya vyose mwaku Kristu mweniyo watindikhomeska.

ŴaEfeso 3:16

kwakulingana ndi usambasi wa unkhankhu wake, kukhomeskeka ndi nthazi mu Mzimu wake mu munthu wamukati:

2 ŴaKorinte 12:9

Ndipo andinene, “Ngwakukwana wezi wangu: chifukwa nthazi yangu yifiskikiya mu unthomboro.” Viyo nkhajikuzgiyanga kwakukondwa mbwenu mu maunthomboru ghangu, alinga kut nthazi yaku Kristu yigoŵiyenge paku ine.

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

1 Samuele 30:6

Davidi wanguŵa ndi chitima ukongwa pakuti ŵanthu wo ŵakambanga kuti amupong'e ndi mya, chifukwa khamu lose lingupwetekeka mtima, munthu yose pakughanaghana ndi ŵana ŵake ŵanthurumi ndi ŵanthukazi. Kweni Davidi wangujikhwimiska mu Ambuya Chiuta wake.

ŴaEfeso 6:10

Pakumariya, muŵe ŵanthazi mu Mbuya, ndi mu likongono la ukhomi wake.

Yeremiya 38:4

Sono ŵaraŵara ŵanguti ku karonga, “Uyu munthu wabayki, pakuti wagongoweska manja gha ŵankhondo ŵeniwo ŵakujamo mu msumba uwu, ndi manja gha ŵanthu wose, pakurongoro mazu viyo kwaku wo. Pakuti uyu munthu kuti wapenja umoyo wamampha paku yaŵa ŵanthu cha, kweni kupwetekeka ndiko.”

2 Mikoka 15:7

Kweni imwe khwimani gwa, manja ghinu ghareke kutomboroka, chifukwa nchitu yinu yiŵenge ndi mphoto yake.”

Sumu 71:1

Mwaku imwe, Ambuya, A ndidingang'a; ndireke kukhozgeka soni!

Sumu 56:3

Ndichiŵa wamantha, ndiŵika chigomezgu changu mwaku imwe.

Nehemiya 6:14

Muŵakumbuke Tobiya ndi Sanbalata, A Chiuta wangu, kwakuyana ndi vinthu ivi vyenivyo ŵakuchita, ndipo so muchimikazi Noadiya ndi ŵamchimi wose ŵanyake ŵeniwo ŵangukhumba kundofya.

Sumu 68:35

Nkhofya uli kwaku Chiuta mu malo ghake ghakupaturika, Chiuta waku Yisraele! Wapaska nthazi ndi mazaza ku khamu lake. Tumbikani Chiuta!

2 Mikoka 32:18

Wangudanirizga ukongwa pachanya ndi mazu ghakuru mukakambidu ka chi Yuda, kofya ndi kuŵasuzga ŵanthu ŵamu Yerusalemu wo ŵenga pa malinga mwakuti walonde muzi.

Zekariya 10:12

Ndipo ndiŵakhozgenge mu Ambuya ndipo ŵakakankhuskikanga mu zina lake,” atiti Ambuya.

Ezra 1:6

Ŵazengezgani ŵawo wose ŵanguŵawovya pakuŵapaska viyaŵi vya siliva, ndi golide, ndi vyuma ndi vyakuŵeta, ndi vinthu vya mtengo, pade paku vyose vyo vinguperekeka kwawanangwa.

Ezekiele 30:24

Ndikalimbiskanga manja gha karonga waku Babiloni, ndiŵikenge lipanga langu mu janja lake; kweni manja ghaku Farao ndikafyonga, ndipo wakatamanthanga nge ndi munthu yo walasika kwa nyifwa.

Yesaya 40:29

Wapaska nthazi ku wakugongowa ndipo kwaku yo walivi likongono wakuzgiyako nthazi.