Nehemiya 5:8 - Tonga Bible 1986

⁸ ndipo ndinguti kwaku wo, “Ifwe uli ndi penipo taŵiya ndi mwaŵi, tawezga ŵabali ŵidu ŵaYuda wo ŵanguguliskika ku mitundu kweni imwe so musaska ŵabali ŵinu kuti ŵaguliskike kwaku ifwe.” Ŵanguja chisisi, ŵengavi kuwona kakukambapo.

Nehemiya 5:8 Referans Kwoze

2 ŴaKorinte 8:12

Chifukwa asani upusuwo ulipo, mpasku ngwamarondeka uli ndimo munthu waliri nacho, uli ndimo wauriyavi cha.

1 ŴaKorinte 8:11

Ndi viyo wanangikiya pa mziŵiru wako wadomboto yo, mbali mweniyo Kristu wangufwiya.

ŴaRoma 14:15

Asani pa chifukwa cha kurgha kwako mbali wako wakwininiskika, kuti utenda so cha mu chanju. Ungamunanganga yo cha ndi kurgha kwake mpha chifukwa chaku mweniyo wangufwiya Kristu.

ŴaRoma 3:19

Kweni tiziŵa kuti vyenivyo vyose chikamba chilangulu cho, chikambiya wo ŵe pasi pa chilangulu; alinga kuti uchetamiskike mlomo wose, ndi kuti charu chose chitoleke ku cheruzgu chaku Chiuta.

Mateyu 25:29

Chifukwa kwaku yose wakuŵa navyo kupaskikenge, ndipo waŵenge ndi uzari: kweni kwaku yo walive, chingana ndi lo we nalo lituzgikengeko kwake.

Mateyu 25:15

Ku yumoza wangupaska matalente ghakhonde, ku munyake ghaŵi, ndi ku munyake limoza; kwaku yose kwakulingana ndi nthazi yakuyija. Ndipo wangutuwako.

Mateyu 22:12

ndipo watiti kwaku iyo, ‘Bwezi, wasere uli muno wambura chivwaru cha nthengwa?’ Ndipo wanguchetama chete.

Jobu 32:15

“Iwo ŵatimbanizgika, kuti ŵamuka so cha; ŵalivi mazu ghakukamba.

Jobu 29:10

zinduna zinguchetema, malilime ghawo ghangukaniriya kuchanya kwa milomo yawo.

Marangu 24:7

“Asani munthu wasanirika wachiba yumoza wa ŵabali ŵake, ŵanthu ŵaku Yisraele, ndipo asani watumuko kuŵa muŵanda pamwenga watimuguliska, sono yuwa munkhungu watenere kufwa. Viyo mukapeyangamo uheni mukati mwinu.

Chituwa 21:16

“We yose wakuba munthu, manyi watimuguliska pamwenga wasanirika ndi iyo, wabayikenge.

ŴaGalatia 6:10

Viyo na, mo titiri ndi nyengo, tichitiyenge kwaku wose cho nchamampha, ukongwa kuŵa nambumba ŵa chivwanu.

Nehemiya 5:9

Viyo ine ndinguti, “Chinthu cho muchita kuti nchamampha cha. Si mutenere kwenda mu chopu chaku Chiuta widu kukanizga lirengu la mitundu yo njakupindikana nafwe?