Nehemiya 4:14 - Tonga Bible 1986

¹⁴ Ndipo ndingulereska, ndi ndingusoka ndi ndingunene ŵaraŵara, ndi zinduna, ndi ŵanthu wose, “Mungawopanga cha. Kumbukani Ambuya, wo mbara ndi ŵakofya, ndipo imwe murwiye ŵabali ŵinu, ŵana ŵinu ŵanthurumi ndi ŵanthukazi, ŵawoli ŵinu ndi mizi yinu.”

Nehemiya 4:14 Referans Kwoze

2 Samuele 10:12

Khwima mtima, tiŵe ŵanthurumi pa khamu lidu, ndi pa msumba yaku Chiuta widu; Ambuya atichitiye cho nchakuŵakondweska.”

Maŵerengedu 14:9

chimoza pe nchakuti, mureke kugalukiya Ambuya; ndipo mungawopanga ŵanthu ŵa charu chiya cha pakuti tikaŵarghanga nge nchiŵande ŵalivi kuvikirika sono, ndipo Ambuya ŵendi ifwe mungawopanga iwo cha.”

ŴaHebere 13:6

Viyo ifwe taŵakuchintha mtima tititi, “Mbuya ndi Movya kwaku ine; kuti ndopenge cha: munthu wandichitiyenge chine?”

Mateyu 10:28

Ndipo mungopanga cha ŵakubaya liŵavu, kweni mbakuwara nthazi kubaya mzimu: ukongwa mopenge yo ngwanthazi kwananga mzimu nawo ndi liŵavu mu gehena.

Sumu 66:3

Nenani kwaku Chiuta, “Zakuziziswa nchitu zinu! Nthazi zinu zikuru ukongwa, reka ŵarwani ŵinu ŵakotama ndi chitenthe paurongo pinu.

Sumu 65:5

Mutitamuka, Chiuta Mtaski widu, ndipo mutititaska pakuchita vinthu vyakuziziswa. Ŵanthu mu charu chose chapasi, ndi ŵakusirgha la zinyanja, ŵagomekezga mwaku imwe.

Sumu 20:7

Ŵanyake ŵathamiya magareta, ŵanyake ŵathamiya ŵakavalo; kweni ifwe tithamiya mu zina la Ambuya Chiuta widu.

Nehemiya 1:5

Ndipo ndinguti, “Ambuya Chiuta wa kuchanya, Chiuta mukuru ndi wakofya mweniyo wasunga phanganu ndi chanju chizirima ndi wo ŵatumwanja ndi kusunga marangu ghake;

2 Mikoka 32:7

“Khomani ndi kukhwima mtima, mungopanga pamwenga kutenthema chifukwa cha karonga wa Asiriya ndi chiliŵanja chose cho wenacho; chifukwa kwe yumoza pamoza nafwe yo ngwanthazi kuruska yo wendi iyo.

Yoswa 1:9

Asi ndakulanguliya? Uŵi wanthazi, khwima; ungopanga cha, nanga nkhufipa mtima; pakuti Ambuya Chiuta wako we pamoza nawe ko ukayanga.”

Marangu 10:17

Pakuti Ambuya Chiuta winu ndi Chiuta wakuruska ndi Ambuya mweneko waku vyose, mukuru, wanthazi, ndi Chiuta wakofya. Kuti walereska chisku cha munthu cha pamwenga kuronda vinda.

Marangu 1:21

Wonani Ambuya Chiuta widu waŵika charu ichi pa maso pinu, kwerani mujemu chiŵe chinu, nge ndimo Ambuya Chiuta wa auskemwe wanene. Mungawopanga cha nanga nkhugongowa.’

Sumu 143:5

Ndikumbuka mazuŵa gha mwaka; ndirunguruka ndi vyose vyo mukuchita, nditaskavya nchitu za manja ghinu.

Sumu 66:5

Zaninga ndi muwone vyo Chiuta wachita: nchitu zake mukati mu ŵanthu zakuziziswa.

Sumu 46:11

Ambuya ŵa maŵanja we pamoza nafwe; Chiuta waku Yakobe nchakudingang'amo chidu.

Sumu 27:1

Ambuya nkhungweruka kwangu ndi chipozomosko changu; ndopenge yani? Ambuya ndi linga la umoyo wangu kumbi nditenthemenge yani?

Jobu 37:22

Kuŵala kwakung'anima nge ndi golide kutuliya ku nkhonde; Chiuta wakunwalikika ndi unkhankhu ukuru.

Wakutaula 12:1

Kumbuka so Mlengi wako mu mazuŵa gha unyamata wako, ghenga ghandazi mazuŵa ghaheni, ndi virimika vyenga vindafike, penipo wazamukamba kuti, “Ndilivi likondwa mwaku vyo.”

Chituwa 14:14

Ambuya akakurwiyaninga, ndipo imwe muje ŵaka chisisi.”

Chituwa 14:25

Kuphatizga kukoroŵeka mawilo gha magareta viyo kuti ŵaghaguguzanga ndi unonono ukuru; ndipo ŵaEgipiti ŵanguti, “Tiyeni tithaŵe ku ŵaYisraele pakuti Ambuya atuŵarwiya paku ifwe.”

Ŵeruzgi 3:27

Wanguti wafika wangumba mbata mu charu cha mitunthu chaku Efraimu; ndipo ŵaYisraele ŵangusikiya nayo pamoza kutuwa ku charu chamithunthu, ndipo ŵenga nayo nge ndi mutu wawo.

Danyele 11:32

Wapusikenge wose ndi uchenjezi wo wananga phanganu kweni ŵanthu wo ŵaziŵa Chiuta wawo ŵakamanga nganganga ndi kutakataka ndi nthazi.

Zekariya 14:3

Ndipo Ambuya atuwenge kurwana ndi mitundu yo nge ndi pa ŵaturwa mu zuŵa la nkhondo.