Nehemiya 3:25 - Tonga Bible 1986

²⁵ Palali mwana waku Azai wangulongoso pakuthyana ndi chingodya ndi chisongo chakutuliya kubwalo ku nyumba ya pachanya ya karonga pa bwalo la ulonda. Wakundondoloska iyo wenga Pedaya mwana munthurumi waku Paroshi.

Nehemiya 3:25 Referans Kwoze

Yeremiya 32:2

Pa nyengo yiya wumba wa ŵankhondo ŵa karonga ŵaku Babiloni unguzinga Yerusalemu, ndipo Yeremiya mchimi wangujarikiya mu bwalo la ukaidi lo lenga mu nyumba ya ufumu ya karonga waku Yuda,

Yeremiya 37:21

Viyo karonga Zedekiya wangurangura, kuti ŵamuŵike Yeremiya mu bwalo la nyumba ya ukaidi; ndipo chimbanduka cha chingwa chiperekeke kwaku iyo zuŵa ndi zuŵa chakutuliya ka mseu wa ŵakubika, mpaka chingwa chose cha mu msumba chimari. Viyo Yeremiya wanguja mu bwalo la nyumba ya ukaidi.

Yeremiya 33:1

Mazu gha Ambuya ghanguza so kwaku Yeremiya nyengo ya chiŵi, penipo wenga weche kujarikiya mu bwalo la ukaidi:

Nehemiya 12:39

ndi pachanya pa Likomo laku Efraimu ndi kwachidumuwa pa Likomo Lakale, ndi pa Likomo la Somba ndi Sonjo waku Hananele ndi Sonjo wa Machumi pe chumi kuya ku Likomo la Mberere; ndipo ŵanguma pa Likomo la Ulonda.

Ezra 2:3

Unandi wa ŵanthurumi ŵaYisraele wenga viyo: ŴaParoso, vikwi viŵi, ndi machumi pe chumi pachanya machumi ghankhonde ndi ghaŵi ndi ŵaŵi (2,172).

Yeremiya 39:8

ŴaKaldiya ŵangocha nyumba ya karonga ndi nyumba za ŵanthu, ndi ŵangubwanganduliya pasi malinga gha Yerusalemu.

Yeremiya 22:14

watiti, ‘Ndikajizengiyanga nyumba yikuru ya vipinda visani vya pachanya’; ndipo watiyilinganizgiya madangazi, watiyikhoma ndi masidara ndi kuyitozga ndi vyakuŵaraŵata.

Nehemiya 8:4

Ezra mlembi yo wanguma pa chiguŵa cha miti cho ŵangulongosore mlimu wenuwu, ndipo pamoza nayo panguma Matatiya, Shema, Anaiya, Uriya, Hilkiya, ndi Maseya ku janja lake lakurghiya, ndi Pedaya, Mishaele, Malkiya, Hashumu, Hashabadani, Zekariya, ndi Meshulama ku janja lake la maze.

Nehemiya 7:8

ŵana ŵaku Paroshe, vikwi viŵi, machumi pe chumi ndi machumi ghankhonde ndi ghaŵi pachanya ŵaŵi (2,172).

Yeremiya 38:13

Sono ŵangumuguziya pachanya Yeremiya ndi vingwe, ŵangumutuzga mu chisima. Ndipo Yeremiya wanguja mu bwalo la ukaidi.

Mika 4:8

Ndipo iwe, chitanthali chamskambu, phiri la msumba waku Zioni ufumu wakudanga, ukazanga kwaku iwe, ufumu wa ŵanthu ŵaku Yerusalemu.