Nehemiya 13:26 - Tonga Bible 1986

²⁶ Si wangulakwa Solomoni karonga waku Yisraele chifukwa cha ŵanthukazi ŵa viyo? Mukati mu mitundu yinandi mwengavi karonga wakuyana nayo, ndipo wangwanjiwa kwaku Chiuta wake, ndipo Chiuta wangumumika kuŵa karonga pa ŵaYisraele wose: ndipuuli ŵanthukazi ŵa chilendo ŵangumulakwiska.

Nehemiya 13:26 Referans Kwoze

1 ŴaKaronga 3:13

Nditukupaska so vyo ulivi kupempha, vyose usambasi ndi ulemu, viyo kuti palivi karonga yo walinganenge nawe mu mazuŵa ghako ghose.

Wakutaula 7:26

Ndipo ndingusaniya chinthu chakuŵaŵa ukongwa kuruska nyifwa, ndi munthukazi yo mtima wake ndi viŵana ndi mikwau, mweniyo manja ghake ndi unyoro; yo wakondweska Chiuta wapozomokenge kwaku iyo, kweni wakulakwa watoreka ndi iyo.

2 Mikoka 1:12

Zeru ndi mziŵiru vyapaskika kwaku iwe. Ndikupaskenge so uromba, vyuma, ndi kutumbikika, vyo palivi yumoza wa ŵakaronga wo ŵanguŵako paurongo pako wanguŵa navyo, ndipo so pakaŵangavi yumoza waku wo ŵakazanga pavuli pako yo wakaŵanga navyo.”

2 Mikoka 9:22

Viyo karonga Solomoni wanguruska mafumu ghose gha mu charu chapasi mu usambasi ndi zeru.

Nthanthi 31:3

Ungapaskanga nthazi yako ku ŵanthukazi cha, nthowa zako kwaku ŵeniwo ŵabaya ŵakaronga,

1 ŴaKaronga 3:12

awona, sono ndichita kwakulingana ndi mazu ghako. Awona, nditukupaska mtima wa vinjeru ndi wakuteska, viyo kuti wakuŵapo cha kale ndipo kuti wakaŵangapo cha pavuli pakoyo wakayananga nawe.

1 ŴaKaronga 4:1

Karonga Solomoni wenga karonga wa ŵaYisraele wose,

1 ŴaKaronga 21:25

Pengavi yumoza mweniyo wangujiguliska kuchita mphurupuru mu maso gha Ambuya, kwakulingana ndi Ahabu, mweniyo wangunyengeka ndi Yezebelu muwoli wake.