Nehemiya 13:25 - Tonga Bible 1986

²⁵ Ndipo ndingususkana nawo ndi kuŵatemba ndi kuŵapuma ŵanyake ŵaku wo ndi kukuchuwa sisi lawo; ndipo ndinguŵakakamizga kuchita rapu mu zina laku Chiuta, “Kuti mukapaskanga ŵana ŵinu ŵanthukazi ku ŵana ŵawo ŵanthurumi cha, pamwenga kutole ŵana ŵinu ŵanthurumi, ŵana ŵawo ŵanthukazi cha pamwenga kujitole mwaŵeni.

Nehemiya 13:25 Referans Kwoze

Nehemiya 13:17

Sono ndingususkana ndi ŵaraŵara ŵaku Yuda, ndinguti kwaku wo, “Mbuheni wa mtundu uli uwu muchita, kukazuzga zuŵa la sabata?

Ezra 10:5

Ndipo wangusoka Ezra, ndipo wanguŵarapiska ŵara ŵa ŵazukuru ndi ŵaLevi, ndi ŵaYisraele wose.

Marangu 7:3

Mungatorananga nawo nthengwa, kuzomerezga ŵana ŵinu ŵanthukazi kutorana ndi ŵana ŵawo ŵanthurumi, pamwenga ŵana ŵinu ŵanthurumi kuto ŵana ŵawo ŵanthukazi.

Nehemiya 13:11

Ndingususkana ndi ŵamazaza ndinguti, “Chifukwa chine nyumba yaku Chiuta yajowoleka?” Ndipo ndinguŵawungang'a pamoza ndi kuŵaŵika mu malo ghawo.

Yesaya 50:6

Ndingung'anamukiya msana wangu ku wakupuma, ndi matama ghangu kwaku wo ŵanguguza mwembe, ndengavi kubisa chisku changu ku chilengesku ndi kukufunyika mata.

Nthanthi 28:4

Ŵeniwo ŵasiya dangu ŵarumba ŵamphulupulu, kweni ŵeniwo ŵasunga dangu ŵalimbana nawo.

Sumu 15:4

mweniyo ngwakuyeyeka mu maso ghake ndingwakuyuyulika, kweni watumbika wo ŵatopa Ambuya; wakujirapiya ku kusuzgika kweni kuti wasintha cha;

Nehemiya 5:13

Ndipo ndingukung'untha so chiunu changu ndi ndinguti, “Viyo Chiuta wadikiskemo munthu we yose mu nyumba yake ndi mu nchitu yake yo warekenge kufiska phanganu lake, viyo ndimo wadikiskiyemo ndi kuŵa wambura kanthu.” Ndipo wumba wose unguti, “Ameni,” ndi ungukankhuska Ambuya. Ndipo ŵanthu ŵanguchita kwakuyana ndimo ŵangupanganirana.

Ezra 7:26

Yose yo warekenge kuchita dangu laku Chiuta wako ndi dangu la karonga weruzgike ruŵi ndi kususkika, pamwenga kususkikiya ku nyifwa, pamwenga kumudikiska, pamwenga kuphanga vyuma vyake, pamwenga kumumangiya mu nyumba ya magoŵa.”

Marangu 6:13

Muŵawope Ambuya Chiuta winu, ndi kuŵateŵete, ndi kurapa ndi zina lawo.

Chituwa 34:16

Mungatole ŵana ŵinu ŵanthurumi ŵana ŵawo ŵanthukazi cha, vinu ŵana ŵawo ŵanthukazi ŵachitiyenge uheni ŵachiuta ŵawo ndi kuchitiska ŵana ŵinu ŵanthurumi uheni pakurondo ŵachiuta ŵawo.

Yoswa 23:12

Chifukwa asani muwere kuvuli, ndi kujibatika ku ŵakujapo, ŵa mitundu iyi ye mukati mwinu, kutorana nawo, mwakuti mutonge ŵanthukazi ŵawo ndi iwo kuto ŵinu,

2 ŴaKaronga 2:24

Wangung'anamuka, ndipo wanguti waŵaona, wanguŵatemba mu zina la Ambuya. Ndipo kungusotopoka ŵabera ŵaŵi ŵanthukazi ku dondo ŵanguparuwa machumi ghaŵi gha ŵahurwa wo.

Nehemiya 13:24

ndipo ŵanyake ŵa ŵana ŵawo ŵarongoronga mazu gha Ashidodi ndipo ŵatondekanga kurongoro chiYuda, kweni ŵasazgiyanga mazu gha ŵanthu wo wose.

Sumu 119:53

Ndizazika ndi ukari chifukwa cha ŵaheni, wo ŵatuswa dangu linu.

Nehemiya 5:6

Ndingukaripa ukongwa ndinguti ndavwa nkhuta yo ndi mazu yagha.