Nehemiya 12:43 - Tonga Bible 1986

⁴³ Ndipo ŵangupereka sembe zikuru zuŵa leniliya ndi ŵangukondwere, pakuti Chiuta wanguŵakondweska ndi likondwa likuru; ŵanthukazi ndi ŵana nawo ŵangukondwere. Ndipo likondwa la Yerusalemu linguvwika kutari ukongwa.

Nehemiya 12:43 Referans Kwoze

Ezra 3:13

kweni ŵanthu kuti ŵanguziŵa cha kupatuwa chiwawa chakudanirizga ndi likondwa ndi chiwawa chakuriya kwa ŵanthu, pakuti ŵanthu ŵangukambura ndi chiwawa chikuru, ndipo kayowozi wanguvwika kutali.

Sumu 92:4

Nchitu zinu zanthazi, Ambuya, zitindikondweska; pa chifukwa chaku vyo mwachita nditumba ndi chimwemwe.

Yeremiya 31:13

Sono ŵamwali ŵakakondwanga pa kuvina, ŵanyamata ndi makhongwe ŵakasangarukanga. Ndikasanduskanga chitenje kuŵa likondwa lawo. Ndikaŵasangaruskanga, ndipo ndiŵapaskenge kukondwa mu malo gha chitima.

Yakobe 5:13

Kumbi yumoza wamwaku imwe wavwiyapo uheni? Warombe. Kumbi yumoza wasangaruka? Wambenge sumu.

ŴaEfeso 5:19

ndi kukambirana mu buku la Sumu, ndi mu sumu, ndi mu sumu zamzimu, pakumbiya ndi ghankhoŵera mu mtima winu ku Ambuya,

Yohane 16:22

Namwe so viyo mwe ndi chisungu sono: kweni ndazamkukuwonani so, ndipo mitima winu wazamkondwa, chimwemwe chinu pazamuuravi yumoza wazamtuzgapo kwaku imwe.

Mateyu 21:15

Kweni ŵazukuru ŵara ndi ŵalembi; ŵachiwona vyanthazi vyo wangutata, ndi twana twaku bongo mu kasopi, “Hosana, Mwana waku Davidi!” Ŵangukalipa,

Mateyu 21:9

Ndipo mizinda yakudanjiya ndi yakurondo yabongonga, yakuti, “Hosana, Mwana waku Davidi! Ngwakutumbikika yo watuziya mu zina la Mbuya, Hosana mu mdengwendi!”

Yeremiya 33:11

mazu gha kuseka ndi mazu gha chimwemwe, mazu gha mweneko wa nthengwa ndi mazu gha mwali wa nthengwa, mazu ghaku wo ŵatumba, penipo ŵatuza ndi mipasku yakuwonge ku nyumba ya Ambuya: ‘Paskani viwongo ku Ambuya ŵa maŵanja, chifukwa mbamampha Ambuya, pakuti ncha muyaya chifundu chawo!’ “Pakuti ndikawezgiyangamo ŵamikoli ŵa charu cho, uli mpha kudanga, atiti Ambuya.

Yesaya 61:3

kunozge wo ŵatenje mu Zioni kuŵapaska vivwalo vyakunozga mu malo mwa vyoto, mafuta gha likondwa mu malo gha kutenje, munjirira wa marumbu mu malo mwa mzimu wakulakatuka; mwakuti ŵadanikenge miti yaukongorekwa, wakupandika ndi Ambuya, alinga kuti akankhuskike.

Sumu 28:7

Ambuya ndi nthazi yangu ndi nguru yangu; mtima wangu ugomekezga mwaku iwo; viyo nditovyeka, ndi mtima wangu ukondwere; ndipo nditiŵawonga ndi sumu yangu.

Sumu 27:6

Ndipo sono mutu wangu ukasoskeki yanga pachanya pa ŵarwani ŵangu ŵakundizunguliya; ndipo muhema lawo ndiperekenge sembe mwakukambura ndi likondwa. Ndimbenge ndipo ndikoŵeriyenge Ambuya.

Jobu 34:29

Pa iyo waja cheti, ndiyani wangasuska? Pa wabisa chisku chake, ndiyani wangamuwona; pamwenga ungaŵa mtundu pamwenga munthu,

2 Mikoka 20:27

Ndipo ŵanguwe munthu yose waku Yuda ndi waku Yerusalemu, pamoza ndi Yehosafati paurongo pawo, kuwere ku Yerusalemu ndi likondwa, chifukwa Chiuta wanguŵakondweska pachanya pa ŵarwani ŵawo.

2 Mikoka 20:13

Ndipo Yuda yose wanguma paurongo paku Chiuta, ndi ŵamjedu ŵawo, ndi ŵawoli ŵawo, ndi ŵana ŵawo.

2 Mikoka 7:10

Pa zuŵa la machumi ghaŵi ndi ghatatu (23) la mwezi wa chinkhonde ndi chiŵi wangutuma ŵanthu kuti ŵawerenge kwawo ŵakukondwa ndi kusangaruka mu mitima yawo chifukwa cha umampha wo Ambuya anguronga kwaku Davidi, ndi kwaku Solomoni, ndi ku ŵaYisraele ŵanthu ŵawo.

1 Samuele 4:5

Bokosi laphanganu la Ambuya linguti lafika mu ugoŵi, ŵaYisraele wose ŵangulitauzga kwanthazi, mwakuti charu chapasi chingundingandinga.

Maŵerengedu 10:10

Ndipo so mu zuŵa linu lalikondwa, ndi pa madghera ghakutemeka, ndi pa kwamba kwa myezi yinu, mukambanga zimbata pa mipasku yinu yakocha ndi pa sembe zinu za mipasku ya chimangu; vikuŵiyeni chikumbusku paurongo pa Ambuya: Ine ndine Ambuya Chiuta winu.”

Nehemiya 12:42

ndipo Maseiya, Shemaya, Eliezara, Uzi, Yehohanani, Malkija, Elama, ndi Ezere, ndipo ŵakumba ŵangumba pamoza ndi Yezrahia pakuŵa iyo murongozgi wawo.

Sumu 9:2

Ndikondwenge ndi kwangara mwaku imwe, ndikoŵeriyenge ku zina linu mwa ŵapachanya limu.

Nehemiya 12:27

Pa nyengo yakupaturiya linga la Yerusalemu ŵangupenja ŵaLevi mu malo ghawo ghose, kuŵatole ku Yerusalemu kuzachichita kapaturidu ka linea ndi likondwa ndi viwongu ndi kumba, ndi malipenga gha mkuŵa, ŵazeze ndi ŵakaligu.