Nehemiya 12:27 - Tonga Bible 1986

²⁷ Pa nyengo yakupaturiya linga la Yerusalemu ŵangupenja ŵaLevi mu malo ghawo ghose, kuŵatole ku Yerusalemu kuzachichita kapaturidu ka linea ndi likondwa ndi viwongu ndi kumba, ndi malipenga gha mkuŵa, ŵazeze ndi ŵakaligu.

Nehemiya 12:27 Referans Kwoze

1 Mikoka 15:16

Davidi wangulanguliya ŵarongozgi ŵa ŵaLevi kumika ŵabali ŵawo nge mbakumba wo ŵatenere kumba ukongwa ndi vyakumbiya, ŵazeze, ŵabangwi, ndi vimbumbuli kukwezge mazu gha chimwemwe.

2 Mikoka 29:30

Hezekiya karonga, ndi mafumu ŵangulanguliya ŵaLevi kumba mathamiko ku Ambuya ndi mazu ghaku Davidi ndi ghaku Asafi muwona. Ŵangumba mathamiko ndi likondwa, ndipo ŵangusindama ndi ŵangusopa.

2 Mikoka 5:13

Wenga mlimu wawo wakumba mbata ndi wakumba ndi mlomo pe kuti ŵavwikenge nge ndi munthu yumoza kutumbika ndi kuwonga Ambuya). Ndipo ŵangutumphuska sumu ndi zimbata, ndi ŵabangwe ndi vinthu vinyake vyakumbiya sumu ŵangukankhuska Ambuya, ŵatinge: “Pakuti iwo mbamampha, chifukwa nchamuyaya chifundu chawo.” Ndipo nyumba ya Ambuya yinguzazika ndi mtambo.

1 Mikoka 15:28

Viyo ŵaYisraele wose ŵanguto bokosi la phanganu la Ambuya ndi kukambura ndi kumba kwa mbata ndi malipenga, ndi vimbumbuli ndi ŵangumba ukongwa ndi ŵazeze ndi ŵabangwe.

Marangu 20:5

Sono ŵarongozgi ŵakakambanga ku ŵanthu kuti, ‘Munthu njani yo wakuzenga nyumba yifwa ndipo walivi kuyipatuwa? Wa viyo wawere ku nyumba yake, vinu wangafwa mu nkhondo ndipo munyake ndiyo wayipatuwenge.

1 Mikoka 15:12

ndi wanguti kwaku iwo, “Ndimwe ŵarongozgi ŵa nyumba za auskemwe za ŵaLevi, jipatuliskeni, imwe ndi ŵabali ŵinu, mwakuti mukatore bokosi la Ambuya, Chiuta waku Yisraele ku malo ghenigho ndalilongosole.

1 Mikoka 15:4

Ndipo Davidi wanguwungang'a pamoza ŵana ŵaku Aroni ndi ŵaLevi:

Chivumbuzi 5:8

Ndipo penipo wanguto buku lo, vyamoyo vinayi vyo ndi ŵara wo machumi ghaŵi ndi ŵanayi ŵanguwa pasi paurongo pa Mwana-mberere yo, wose yumoza ndi yumoza wenga ndi kaligu, ndi mbali zagolide zakuzazika ndi vyachema (vyenivyo ndi marombu gha ŵakupaturika).

ŴaFilipi 4:4

Kondwere ni mu Mbuya nyengo zose; ndikambenge so, Kondwani.

Sumu 149:3

Ŵarumbe zina lawo ndi kuvina; kuŵarumba pakumba ng'oma ndi bangwe.

Sumu 30:1

Nditumphuskenge imwe, Ambuya chifukwa mwandisoske pachanya, ndipo mwachetamiska ŵamawongo ŵangu kukondwere paku ine.

Nehemiya 11:20

Ndipo ŵaYisraele wose, ndi ŵazukuru ndi ŵaLevi, ŵenga mu mizi, yose ya ŵaYuda, we yose pa chihara chake.

Nehemiya 8:17

Ndipo wumba wose waku wo ŵanguweko ku umkoli ŵanguchita misasa ndi ŵanguja mwenimo; pakuti kutuwa ku mazuŵa ghaku Yeshua mwana munthurumi waku Nuni kufika ku zuŵa ili ŵaYisraele ŵengavi kuchitapo viyo. Ndipo penga chimwemwe chikuru ukongwa.

Ezra 6:16

Ndipo ŵaYisraele, ŵazukuru, ndi ŵaLevi ndi ŵanyake ŵa ŵamikoli wo ŵanguweko, ŵangupatuwa nyumba iyi yaku Chiuta ndi likondwa.

2 Mikoka 7:6

Ŵazukuru ŵanguma pa malo ghawo; ŵaLevi nawo so viyo ndi vyakumbiya sumu ku Ambuya vyo karonga Davidi wanguchita vyakutumbikiya Ambuya, chifukwa nchamuyaya chifundu chawo, mo Davidi watumbikiyanga Ambuya wachitakataka; ndipo ŵazukuru ŵambanga mbata panthazi pawo, ŵaYisraele wose ŵanguma.

1 Mikoka 26:31

ŴaHebroni: Yerija wenga mura wa ŵaHebroni kwakuyana ndi fuku la auskeu pamwenga nyumba za auskeu. (Mu chirimika cha chumi pachanya vinayi cha muwusu waku Davidi kupenja kunguchitika ndipo ŵanthu ŵazeru ŵangusanirika pa Yazari mu Gileada.)

1 Mikoka 23:5

vikwi vinayi (4,000) ŵalinda malikomo, ndi vikwi vinayi (4,000) ŵakambanga mathamiku ku Ambuya ndi vyakumbiya vyo ndikupangiya kumbiya mathamiku.”

1 Mikoka 16:42

Hemani ndi Yedutuni ŵenga ndi malipenga ndi vidingindi vyakumbiya sumu ndi visulo vinyake vyakumbiya sumu zakupaturika, Ŵana ŵaku Yedutuni ŵangusankhikiya kuŵa ŵalinda ŵa likomo.

1 Mikoka 16:5

Asafi wenga murongozgi, ndipo wachiŵi kwaku iyo wenga Zekariya, Yeieli, Shemiramoti, Yehieli, Matatiya, Eliabi, Benai, Obededomu, ndi Yeieli, wo ŵambanga ŵazeze, ndi ŵabangwe, Asafi wenga wakumba vimbumbuli,

1 Mikoka 13:8

Davidi ndi ŵaYisraele wose ŵakondwanga paurongo paku Chiuta ndi nthazi zawo zose ndi kumba ndi zing'oma, ndi ŵazeze, ndi bangwe ndi mbata.

2 Samuele 6:12

Ndipo kungukambika kwaku Davidi karonga kuti, “Ambuya atumbika nyumba yaku Obededomu, ndi vyose vyo wenavyo, chifukwa cha Bokosi laku Chiuta.” Sono Davidi wanguruta kwachito Bokosi laku Chiuta ku nyumba yaku Obededomu wanguza nalo mu muzi wake ndi kukondwere;

Marangu 16:11

Viyo mukakondwanga paurongo pa Ambuya Chiuta winu, imwe ndi mwana winu munthurumi ndi mwana winu munthukazi, muLevi yo wemu mizi yinu, mlendo wambura awiske, choko cho che mukati mwinu, pa malo gho Ambuya Chiuta winu wakasankhanga, kuti mudanepo zina lake.

1 ŴaKaronga 8:63

Solomoni wangupereka nge ndi sembe ya chimangu ku Ambuya ng'ombe vikwi machumi ghaŵi ndi ŵivi (22,000) ndi mberere vikwi machumi pe chumi ndi machumi ghaŵi (120,000). Viyo karonga ndi khamu lose la Yisraele ŵangupatuwa nyumba ya Ambuya.

2 Mikoka 29:25

Wanguŵika ŵaLevi mu nyumba ya Ambuya, ndi vimbumbuli, ŵazezi, ndi ŵabangwe, kwakuyana ndi langulu laku Davidi ndi laku Gadi muwona wa karonga ndiwaku Natani mchimi pakuti langulu lingutuwa kwa Ambuya mu ŵamchimi ŵake.

Nehemiya 12:43

Ndipo ŵangupereka sembe zikuru zuŵa leniliya ndi ŵangukondwere, pakuti Chiuta wanguŵakondweska ndi likondwa likuru; ŵanthukazi ndi ŵana nawo ŵangukondwere. Ndipo likondwa la Yerusalemu linguvwika kutari ukongwa.