Nehemiya 11:17 - Tonga Bible 1986

¹⁷ ndi Mataniya mwana waku Mika, mwana waku Zabudi, mwana waku Asafi, mweniyo wenga murongozgi wakudanjiya kuwonga mu kuromba, ndi Bakabukiya, wachiŵa mu ŵabali ŵake; ndi Abuda mwana waku Shamua, mwana waku Galala, mwana waku Yedutini.

Nehemiya 11:17 Referans Kwoze

1 Mikoka 9:15

ndi Bakibakara, Hereshe, Gala, ndi Mataniya mwana waku Mika, mwana waku Zikri, mwana waku Asafi;

ŴaFilipi 4:6

Mungakweŵeke kose cha; kweni mu kanthu kose, mu rombu ndi mu niniziku pamoza ndi kuwonga, mapemphu ghinu ghaziŵikwe kwaku Chiuta.

Nehemiya 12:31

Sono ndinguza ndi ŵanangwa ŵaku Yuda pachanya pa linga, ndi ndingumika mipingu yikuru-yikuru yiŵi yeniyo yinguwonga ndipo ŵangwenda kwakundanda. Umoza unguya ku marghe pachanya pa linga ku Likomo la Urongo;

Nehemiya 12:25

Mataniya Bakabukiya, Obadia, Meshulama, Talamoni ndi Akubu ŵenga ŵasungi malikomo ŵakulonda pa nyumba za mbiku za malikomo.

Nehemiya 10:12

Zakuru, Sherebiya, Shebaniya,

1 Mikoka 16:41

Pamoza nawo penga Hemani Yedutuni, ndi ŵanyake ŵaku wo ŵangusankhika ndi kuzumbulika mazina kuŵawonga Ambuya, chifukwa chifundu chawo ncha muyaya.

1 Mikoka 16:4

Ndipo so wangumika ŵanyake ŵa ŵaLevi nge mbateŵeti paurongo pa bokosi la Ambuya, kudanirizga, kuwonga, ndi kuthamika Ambuya Chiuta waku Yisraele.

2 Samuele 9:12

Mefiboshete wenga ndi mwana muhurwa, yo zina lake lenga Mika; ndipo wose wo ŵenga mu nyumba yaku Ziba ŵanguŵa ŵateŵeti ŵaku Mefiboshete.

Nehemiya 11:16

ndi Shabetai ndi Yozabada, wamu ŵaraŵara, ŵa ŵaLevi; ŵeniwo ŵatufuliyanga nchitu ya kubwalo ya nyumba yaku Chiuta;

Nehemiya 11:18

ŴaLevi wose mu msumba wakupaturika ŵenga machumi pe chumi ghaŵi ndi machumi ghankhonde ndi ghatatu pachanya ŵanayi (284).

Nehemiya 12:24

ndi ŵaraŵara ŵa ŵaLevi: Hashabia, Sherebia, ndi Yeshua mwana waku Kadmiele, pamoza ndi ŵabali ŵawo ŵakuŵa ndimtufu paku wo, kutumbika ndi kupaska, kuwonga, kwakuyana ndi langulu laku Davidi munthu waku Chiuta kulondana yaŵa pa ŵanyawo.

Nehemiya 12:46

Pakuti mu mazuŵa ghaku Davidi ndi Asafi wakale wengapo mura wa ŵakumba, ndipo zengapo sumu zakutumbikiya ndi zakuwonge kwaku Chiuta.