Nehemiya 10:29 - Tonga Bible 1986

²⁹ ŵasere kuŵa pamoza ndi ŵabali ŵawo, ŵaraŵara ŵawo ndipo ŵasere muthembu ndi rapu kwachenda mu dangu laku Chiuta lenilo lingupaskika ndi Mosese mteŵeti waku Chiuta, kuphwere kuchita malamulu gha Ambuya widu ndi malangulu ghake ndi vyeruzgu vyake.

Nehemiya 10:29 Referans Kwoze

Ezekiele 36:27

Ndiŵikenge mzimu wangu mukati mwinu, ndi kumwendeskani mu virunguchizgu vyangu ndi kuti muphwerenge kusunga malangulu ghangu.

Sumu 119:106

Ndarapa rapu ndipo ndalikhozga, kuvwiya virunguchizgu vinu virunji.

Yohane 15:14

Imwe mwe ŵabwezi ŵangu, asani muchita vyenivyo ine ndikulanguliyani.

ŴaRoma 12:9

Chanju chinu chiŵe chamburafuvyu. Muŵe ŵakutinkha uheni, ndi ŵakumeremete ku umampha.

2 Mikoka 34:31

Karonga wanguma mu malo ghake, wanguchita chipanganu paurongo pa Ambuya kurondo Ambuya ndi kusunga marangu ghawo ndi visimisimi vyawo ndi vilayizgu vyawo ndi mtima wake wose ndi mzimu wake wose, kufiska mazu gha phanganu gho ghakulembeka mu buku ili.

2 ŴaKaronga 23:3

Karonga wanguma pafupi ndi mzati ndipo wangupangana paurongo pa Ambuya, kwenda mu nthowa ya Ambuya ndi kusunga marangu ghawo visimisimi vyawo ndiveruzgu vyawo, ndi mtima wake wose ndi ndi mzimu wake wose, kuchita kwakulingana ndi mazu gha phanganu lo lingulembeka mu buku ili, ndipo ŵanthu wose ŵanguseremo nawo mu phanganu lo.

Machitidu gha Ŵakutumika 23:21

Viyo imwe mureke kuyirukiya kwaku yiwo: chifukwa ŵamraliya ŵanthurumi ŵamwaku wo ŵakuruska machumi ghanayi ŵeniwo ŵajirapiya ndi tembu kurgha cha, chingana nkhumwa, mpaka ŵambaya: ndipo sono mbakurongosoleka, ndipo ŵalereze phanganu lakutuliya kwinu.”

Machitidu gha Ŵakutumika 17:34

Kweni ŵanthurumi ŵanyake, ŵakuskepererana nayo ŵanguvwana: mwaku wo so mwenga Dionusio, waAreopago, ndi munthukazi, zina lake Damarisi, ndi ŵanyake pamoza nawo.

Machitidu gha Ŵakutumika 11:23

Mweniyo wanguti wazako, ndi wawona wezi waku Chiuta, wangukondwere; ndipo wanguŵachichizga wose, kuti ndi linweka la mtima ŵamiziriye ku Ambuya;

Yohane 7:19

Mosese wangukupaskani langulu? Ndipo palive yumoza mwaku imwe wasunga langulu. Chifukwa chine mulembe kundibaya?”

Yohane 1:17

Pakuti langulu lo lingupaskikiya mwaku Mosese, wezi ndi uneneska vinguziya mwaku Yesu Kristu.

Malaki 4:4

“Kumbukani dangu laku Mosese mteŵeti wangu, visambizgu ndi vyeruzgu vyo ndingumulanguliya pa Horebe kuti ŵa Yisraele wose ŵavwe.

Yeremiya 26:4

Iwe ukakambe kwaku wo, ‘Viyo atiti Ambuya, Asani mureka kutegherezga kwangu, kwenda mu dangu langu lenilo ndingukupaskani,

Yesaya 14:1

Ambuya akaŵanga ndi chitima paku Yakobe ndipo akasankhanga so Yisraele, akaŵaŵikanga mu charu chawo ndi chawo, ŵalendo ŵakajisazganga kwaku wo, ŵakajibatikanga ku nyumba yaku Yakobe.

Sumu 105:45

mwakuti ŵanthu ŵawo ŵavwiye malangulu ghawo, ndi kusunga marangu ghawo. Rumbanga Ambuya!

Sumu 8:9

A Chiuta, Mbuyafwe, ndakurumbika mbwenu zina linu mu charu chose chapasi!

Sumu 8:1

A Chiuta, Mbuyafwe, ndakurumbika mbwenu zina linu mu charu chose chapasi! Imwe unkhankhu winu we mu malo ghakuchanya.

Nehemiya 13:25

Ndipo ndingususkana nawo ndi kuŵatemba ndi kuŵapuma ŵanyake ŵaku wo ndi kukuchuwa sisi lawo; ndipo ndinguŵakakamizga kuchita rapu mu zina laku Chiuta, “Kuti mukapaskanga ŵana ŵinu ŵanthukazi ku ŵana ŵawo ŵanthurumi cha, pamwenga kutole ŵana ŵinu ŵanthurumi, ŵana ŵawo ŵanthukazi cha pamwenga kujitole mwaŵeni.

2 Mikoka 6:16

Viyo sono Ambuya, Chiuta waku Yisraele, sungani cho mungupangana ndi Davidi mteŵeti winu, Davidi ada, kuti, ‘Wasoŵenge cha pamaso ghangu munthu wakuja pa chitengo cha ufumu waku Yisraele, asani ŵana ŵako pe ndiwo ŵangaphwere nthowa yawo, kwenda mu dangu langu nge ndimo iwe wayende paurongo pango.’

2 ŴaKaronga 10:31

Kweni Yehu kuti wanguphwere kwenda mu dangu la Ambuya Chiuta waku Yisraele ndi mtima wake wose cha; kuti wangutuwako cha ku maulakwi ghaku Yeroboamu gho wangulakwiska nagho Yisraele.

Marangu 33:4

penipo Mosese wangutilanguliya dangu ili nge nchihara cha umba waku Yakobe.

Marangu 5:32

Viyo muŵe ŵakuphwere kuchita nge ndimo Ambuya Chiuta winu wakulanguliyani, mungang'anamukiyanga ku marghe pamwenga ku maze cha.

Marangu 5:1

Mosese wangudana ŵaYisraele wose, wanguti kwaku iwo, “Vwani, Yisraele, visambizgu ndi vyeruzgu vyo ndikamba kwaku imwe zuŵa lino, mukavisambiranga ndi muŵe ŵakuphwere pakuvichita.

Maŵerengedu 5:21

sono’ (mzukuru wamurapaske munthukazi ndi rapu la thembo, wakambe nayo kuti) ‘Ambuya akuchite iwe kuŵa wakutembeka ndi rapu mukati mu ŵanthu ŵako, po Ambuya avundiska chigha chako ndi kukutupiska mbulu;

Nehemiya 9:38

Chifukwa chaku ivi vyose tichita phanganu lakukho ndi kulilemba ndi ŵanangwa ŵidu, ŵaLevi ŵidu ndi ŵazukuru ŵidu, tiŵikapo chizighiriyo paku lo.

Yeremiya 34:15

Ruŵi mungung'anamuka mtima ndi munguchita cho nchakurunjika mu maso ghangu pakumemeza wanangwa, we yose ku mwanasi wake, ndipo munguchita phanganu paurongo pangu mu nyumba yo yidanika ndi zina langu:

ŴaLevi 20:26

Imwe mukaŵanga ŵakupaturika kwangu; pakuti ine Mbuyamwe nde wakupaturika ndipo ndakupatuwaniko ku mitundu ya ŵanthu, alinga kuti muŵenge ŵangu.

1 Mikoka 9:2

Ndipo wakudanga kuja so mu vihara vyawo vya misumba yawo ŵenga ŵaYisraele, ŵazukuru, ŵaLevi, ndi ŵateŵeti ŵa kasopi.

Nehemiya 7:46

Ŵateŵeti ŵa kasopi: ŵaku Ziha ŵaku Hasupa, ŵana ŵanthurumi ŵaku Taboati,

Nehemiya 8:2

Ndipo Ezra mzukuru yo wanguza nalo dangu ku unganu wo, ŵanthurumi ndi ŵanthukazi ndi wose wo ŵavwanga ndi kuwamo pa zuŵa lakudanga la mwezi wa chiŵi.

Nehemiya 8:3

Ndipo wanguŵerenga mwenimo wachirata maso ku bwalo paurongo pa Likomo la Maji kwamba pa mlenji-lenji mpaka ndi msana pakati, pa maso pa ŵanthurumi ndi ŵanthukazi ndi wose ŵeniwo ŵaŵangamo; ndipo makutu gha ŵanthu wose ghangutegherezga ku buku la dangu.

Nehemiya 9:2

Ndipo ŵaYisraele ŵangujipatuwako ku ŵalendo wose, ndipo ŵanguma kuzomera maulakwi ghawo ndi maubudi gha auskeu.